فیزیک بیلنلر بیرینجی دفعه اولاراق اوتاق حرارتینده «مایع ایشیق» دوزلتماغا موفق اولدولار.
ساینز آلرتین وئردیغی خبره گؤره، بو مایع حقیقتده بیر «سوپر مایع» (superfluid) ساییلیر و معمولاً ماده‌نین بئشینجی حالتی کیمی تانینیر.
بو تازا مادّه ایشیغا جسمین اطرافیندا و مختلف زاویه‌لرده جریان تاپماغا امکان وئریر.
معمولی ایشیق بیر موج و یا بیر ذره کیمی اولور و همیشه مستقیم مسیرده حرکت ائلیر. بونا گؤره گؤزوموز جسملرین او بیری زاویه‌لرینی گؤره بیلمیر.
آما ایشیق خاص شرایطده مایع کیمی عمل ائله‌ییب جسمین او بیری طرفینه گئده بیلر.
محققلر مطلق صفر حرارتینده یارانان و تکجه ثانیه‌نین چوخ کیچیک بؤلومو دوام گتیره بیلن بوز- اینشتین ماده‌سی‌نین تولیدینه چوخ علاقه گؤرسدیبلر. آما تازا تحقیقده اونلار بو ایشی اوتاق حرارتینده گؤره بیلیبلر.
محققلر دئییرلر تازا مطالعه‌لرین نتیجه‌سی کوانتومی هیدرودینامیک زمینه‌سینده تازا تحقیقلری یول آچماقدان علاوه، گله‌جاقداکی ال‌ای‌دی و یا گونش پنل‌لری و یا لیزر دستگاهلارینا لازم اولان فوق رسانا ماده‌لر کیمی، مترقی تکنولوژی‌لری اوچون اوتاق دماسیندا پلاریتون دستگاهلارین تولیدینه کؤمک ائله‌ییر.