جورجیا ایالتی‌نین اوگاستا دانشگاهی‌نین محققلری بدنده ورزش ائله‌میش کیمی وضعیتی یارادان بیر حبّ دوزلتمه‌سینی مطالعه ائلیرلر.
محققلرین دئدیگینه گؤره بو حب، چکی‌نین کنترلی، ساغلاملیغین آرتماسی و ساغلیق ضدّی‌نین فاکتورلارین دفعی کیمی، ورزشین بعضی مزیتلرینی یارادیر.
اوگاستا دانشگاهی‌نین محققلری سیچانلاردا عضله‌لرین حجمینی آرتیران بیر پروتئینی تاپماغینان، ورزش حبّینین دوزلتمه‌سینه اومیدلری وار.
محقق‌لر میوستاتین پروتئینی تولیدیندن عاجز اولان کؤک و آریق سیچانلاری تربیت ائله‌ماغینان اونلارین کؤکلمه‌سینه شاهد اولدولار. میوستاتین پروتئینی عضله حجمینه چوخالدان پروتئیندیر.
آما بو کؤک سیچانلارین اورک دامار وضعیتلری آریق سیچانلار کیمی ایدی. بلکه میوستاتین تولید ائله‌یه بیلن کؤک سیچانلاردان داها یاخشی اولوردو.
محققلرین ایناندیغینا گؤره میوستاتین تولیدی‌نین دایاندیریلماسی، چکی‌نین آرتیریلماسیندا ائله ده تأثیری یوخدور. آما بو پروتئینین تولیدی نین دایاندیریلماسی، یوخاری قان فشاری، یوخاری کلسترول و بؤیرکلره صدمه یئتیرمه کیمی منفی فاکتورلار گؤزه گلیم شکلده آزالیر.
محقق‌لر اینانیرلار میوستاتین پروتئینی‌نین تولیدینی کنترل ائتمک کؤکلوغون کنترلی اوچون لاپ یاخشی یول ساییلیر.