هميشه سئويرديز كي گله‌جگه سفر ائليه‌سيز
و اوشاقلاريزين نه ايش صاحيبي اولدوغونو گؤره‌سيز يا اوچان ماشينا مينيب دونياني
دولاناسيز؟
ظاهيراً «هونگ كونگ»-ون تكنولوژي و علوم
دانيشمندلري اؤز موطاليعه‌لرينده بو نتيجه‌يه يئتيشيبلر كي زماندا سفر ائتمك
اولماز و زماندا سفر ائله‌مك آرزولايانلار نئچه ايل يالاندان مونتظير اولوبلار!
(Gizmodo) نين (Discovery)
نقل اولان گوزاريشينه گؤره، بو موحقيقلر «فوتون»ون سورعتيني اندازه توتماغينان
گؤردولر كي بو ذرّه الكترو مغناطيسي دالغاسي شكلينده، «انيشتين»ين ايگيرمينجي
عصرين اوّلينده ثابيت ائله‌ديگي سورعت محدوديّتي قانونلاريندان تبعيّت ائلير.
بو تحقيقاتي تيم بو اساسي سوآلا جواب
وئردي كي آيا ايشيغين لاب كيچيك ذره‌سي اولان «فوتون» خلأده ايشيقدان يئيين گئده‌بيلر
يا يوخ؟
(Physical
Review Letters
) آمريكالي ژورنالدا، ياييلان بو تحقيقاتين نتيجه‌لري بو سوآلا منفي جواب وئريب و
جيسملرين سورعتي باره‌ده انيشتينين نظريه‌سيني تأييد ائديب.