پیتسبورگ دانشگاهی‌نین مهندسلری مصنوعی آغ جیگر دوزلتماغینان، آغ جیگر ناخشلوقلاری اولانلارین ایشینی راحتلتدیلر.
دیجیتال ترندزین وئردیغی خبره گؤره، بو مصنوعی آغ جیگر مختلف آزمایشلردن باش اوجا چیخیب و تنفسی مشکل‌لری اولان ناخوشلارین کؤمگینه گلیر.
بو مصنوعی آغ جیگرلر آیلار بلکه ایللر بویو آغ جیگر پیوندی نوبه‌سینده قالان ناخوشلارا چوخ کؤمک ائلیه بیلر. اونلار مصنوعی جیگرلری نفس آلماق اوچون چوخ راحت اؤزلری ایله دولاندیرا بیلرلر. چونکی تازا دوزلن بو آغ جیگرلر قاباقکیلارا گؤره چوخ یونگولدولر و حمل اولا بیلیرلر.
بو مصنوعی جیگر آزمایشگاهدا 6 ساعتلیق نفس آلما ایشینی موفقیتله یئرینه گتیریب آما لازم اولان مجوزلری آلماق اوچون نئچه آی تحقیق و زمانا احتیاجی وار. البته بو محصولدان استفاده ائله‌ین انسانلار اؤزلری ایله خارجی اکسیژن مخزنی داشیمالی اولاجاقلار.
محققلر مخزنه احتیاجی اولمایان مصنوعی آغ جیگرین دوزلتمه‌سینه ده چالیشیرلار.