هندین باستانی داغلیقلاریندا جلبکه اوخشار گیاه تاپیلیب کی عالملرین نظرینه گؤره 1.6 میلیارد بوندان اوّله عایددیر.
بی‌بی‌سی‌نین وئردیغی خبره گؤره، سوئدین طبیعی تاریخی موزه‌سی‌نین عالملری 1.6 میلیاردلیق فسیل‌لر تاپیبلار. عالملر هندین مرکزینده یئرلشن «چیتراکوت» داغلیقلاریندا ایکی جور قیرمیزی جلبکه اوخشار فسیل تاپیبلار. اونلارین بیری ریشته – ریشته و او بیری اتلی قسمتلری اولان جلبک‌دیر. عالملر بو فسیل‌لرین فرقلی مولکولی قورولوشونو گؤروبلر.
سوئدین طبیعی موزه‌سی عالملریندن استفان بنگستون بو باره‌ده دئییر: بو قدمتده فسیلین اونون دی ان آیی قالمادیغی اوچون مولکولی قورولوشونو بو راحتلیقدا تشریح ائله‌ماق اولماز آما قیرمیزی جلبکین خصوصیتلری اینن اوست اوسته دوشور.
بو جلبکین کشفی نئچه مولکلوللی موجودلارین شکل تاپماسی قاباقجادان تصور اولاندان چوخ تئز باش وئریب.