تانیدیغز مشهور ساریمساقدان آنتی بیوتیکدن نئچه برابر تأثیرلی شربت دوزلتماق اولار. البته آنتی بیوتیک تمامً حیات و بیوتیک ضدی‌دیر آما ساریمساق شربتی فقط چیرکی قورودار. بو شربت چین ملّتی طرفیندن ایللر بویو بدنین امنیت سیستمینی گوجلندیرماق اوچون استفاده اولونوب. بو شربیت ن دوزلتمه‌سی چوخ ساده‌دیر و ائوده اولان موادینان دوزلتماق اولار.
ساریمساق شربتی بدنین امنیت سیستمینی گوجلندیرر و قان فشاری و قانین پیس کلسترولونو تنظیمه سالار.
بو شربت سویوق دَیمه و آنفولوآنزانین دا قاباغینی آلار.
ساریمساق شربتی‌نین دوزلتمه طرزی:
لازم اولان موادّ:
8 دیلیم سویولوب ازیلمیش ساریمساق
200 میلی لیتر آلما سیرکه‌سی
200 میلی لیتر طبیعی بال
حاضرلانما طرزی:
سویولوب ازیلمیش ساریمساغین ایچینه بال و سیرکه‌نی آرتیرین و 10-15 دقیقه میکسرینن چالین.
سونرا اونو آغزی باغلی شوشه قابدا 5 گون بویو یخچالدا ساخلایین.
ماده لرین یاخجی ترکیبی اوچون اونو گونده بیر دفعه چالخالایین.
5 گوندن سونرا بو شربت ایچمگه حاضردیر.
نئجه مصرف ائله‌یاق؟
سحرلر نشتاب ایکی چای قاشیغی قدر بیر لیوان سودا حل ائله‌ییب میل بویورون. شربتی توند دادی اولدوغونوا گؤره اونو بیر قورتومدا ایچمه‌یین.
بو شربتی منظم ایچسز چوخلو عفونتلرین قاباغینی آلمیش اولارسیز.