اسپانیایی دانشمندلر ایدز اوچون دوزلتدیقلاری واکسن اینن 5 ناخوشو توختادیبلار و ایندی 7 آیدیر کی اونلارین بدنینده ایدزدن اثر یوخدور.
دیلی میلین وئردیغی خبره گؤره، بو واکسن اسپانیایی محققلرین واسطه‌سی اینن دوزلیب . ناخوشلار بو واکسی ایشلتماغینان داها ضد ویروسی (ARV) داوالارا احتیاجلاری اولمایاجاق.
البته بو واکسن داها بؤیوک کلینیکی آزمایشلرده سینانمالیدیر. آ»ا عالملرین اینادیغینا گؤره بو داوا تأثیرلی ولاجاق.
بو موفقیتلی آزمایش 30 ایل نتیجه‌سیز چالیشمالاردان سونرا عمله گلیب.
بارسلونا شهری‌نین IrsiCaixa AIDS تحقیق مؤسسه‌سی‌نین عالملریندن اولان دکتر بئاتریز موث بو باره‌ده دئییر: بو مسأله، واکسن درمانی طریقی اینن بدنین T سلول‌لارینا ویروسو کنترل ائله‌ماغی اؤیرتماق اولار. بو بو ایده‌نین انسانلاردا بیرینجی موفقیتی ساییلیر.
پیشگیری واکسنلر تولیدی نتیجه‌سیز قالاندان سونرا عالملر درمانی واکسنلری‌نین تولیدینه اوز گتیردیلر. اونلارین هدفی ناخوشلارین بدنینده ARV داوالاریندان استفاده ائله‌مه‌دن ویروسون نئچه آیلیق و نئچه ایللیق کنترلی‌دیر.
ایندی‌یه قدر درمانی واکسن آزمایش اولسا دا بو، بیرینجی موفقیتلی آزمایش اولوب کی بدنین امنیت سیستمینی گوجلندیره بیلیب.