اسپوتنیکین وئردیغی خبره گؤره، کبیر اوقیانوسونون درینلیغیندا اونون جنوب غربینده، سککیزینجی قارّه کشف اولدو.

استرالیالی، نیوزلندلی و تازا کالدونیالی محققلر بو کشفی Nature News مجله‌سینده منتشر ائله‌دیلر.

بو خبره گؤره، تازا تاپیلان قارّه‌نین مساحتی 5 میلیون کیلومتر مربع تخمین وورولوب. بو قاره‌نین بؤیوک قسمتی یعنی یوزده 94-و سویون ایچینده‌دیر. بو قاره‌نین ائشیکده اولان بؤلومو تازا کالدونیا، و نیوزلندین شمالی و جنوبی جزیره‌لرینه مربوط اولور.

عالملرین تحقیقینه گؤره، نیوزلند اؤلکه‌سی قدیم سوپر قاره‌‌ده چاتلاما عمله گلماق تأثیرینده یارانیب. بو دَییشیکلیک یئرین قابیغینی تغییر وئریب و بو قاره‌نین بؤیوک قیسمینی سویا باتیریب.

محقق‌لر تازا قارّه‌نین تاپماغینان دونیا قاره‌لری‌نین 7-دن (اروپا، آسیا، آفریقا، استرالیا،جنوب قطبی، شمالی و جنوبی آمریکا) 8 قاره‌یه آرتیریلماسینی ایستیرلر.