عاغیللی قولچاقلاری آرادان آپارین
آلمانین نظارتی مؤسسه‌لرین مقاملاری والدینلره اخطار وئردیلر که وای فای شبکه‌سینه وصل اولا بیلن عاغیللی قولچاقلاری آرادان آپارسینلار. چونکی اونلار جاسوسلوق وسایلی‌دیرلر.
مهرین ورجدن نقلاً وئردیغی خبره گؤره، بیر مدت اولار اینترنته وصل اولا بیلن اویناتمالیلار بازارا گلیب. بو قولچاقلارین مصنوعی عاغلی وار و اوشاقلارینان دانیشماق و اونلارین سؤال‌لرینا چواب وئره بیلماق قابلیتلری وار.
آلمان مقاملاری دئییلر بلندگو و میکروفونو اولان بو قولچاقلار، اوشاقلار و والدینین خصوصی اطلاعاتینی سرقت ائله‌ماق وسیله‌سیدیلر و آلمان قانونلارینا گؤره اونلاردان استفاده ائله‌ماق قاداغاندیر.
صراحتینن آلمان مقاملاری‌نین طریفیندن اشاره اولونان قولچاقلارین بیری My Friend Cayla قولچاغیدیر کی اونون علیهینه اروپا و آمریکادا شکایتلر ثبته یئتیشیب. بو قولچاقلار والدیندن اجازه آلمادان اوشاقلارین دانیشیقلارین ضبط و ذخیره ائله‌ییر و اونلارین خصوصی حریمینی نقض ائیلر.
Cayla قولچاغی میکروفون طریقی ایله اوشاغی سؤزلرینی ائشیدیب وای فای طریقی اینن دوزلدن شرکته (Nuance) یوللاییر. بو شرکت سؤال‌لاری متنه چئویریب اینترنتده آختارماغیان جوابلارینی تاپیب جوابلاری اوشاغا پخش ائیلر.