سوماق آریخلاتما خاصیتینه مالک اولماقدان علاوه هضم سیستمینه‌ده کؤمک ائلر.
جهانی بهداشت سازمانینا گؤره، کؤک اولماق و آرتیق چکی‌یه صاحب اولماق بدنده یاغلارین بیر یئره ییغیلیماسیندان عمله گلیر و شخصین ساغلاملیغینی مختل ائلیر. اخیر ایللرده دونیادا آرتیق چکی گوندن گونه آرتماقدادیر و حتی اوشاقلاری‌دا مبتلا ائلیر. یاییلان آمارا گؤره، تهران جماعتی‌نین یاریسی‌نین آرتیق چکیسی وار و اونلارین یوزده 20-سی چاغ ساییلیر. بو مسأله‌نین اساس حلی تحرک اولسا دا اونون کناریندا بعضی ماده‌لری یئماغینان درمانا کؤمک ائله‌ماق اولار.
سوماق او ماده‌لرین بیریدیر. سوماغین خاصیتلریندن بونلاری سایماق اولار: بدنین یاغینی اریتماق، سرطانلی سلول‌لاری آرادان آپارماق، اورک بولانمانین علاجی، آلزایمرین قاباغین آلان، اورک دامار ناخوشلوقلارا فایدالی، لثه‌لرین گوجلندیرمه‌سی، قان فشاری‌نین کنترلی و هابئه سوماق آنتی اوکسیدان، ویتامین C و اومئگا 3 اینن دولودور.
سوماغی دمله‌ییب ایچماق بدنین یاغینی اریدر و اندام تناسبینه ده کؤمک ائلر.
اوست اوسته گیاهی دمله‌مه‌لرین چوخو بدنین پاکلانماسی، متابولیسمین تحریکی و ادرارین چوخالماسینا کؤمک ائلر.
آما سوماغی نئجه دمله‌یاق؟ بیر ایکی قاشی دارتیلمش سوماغی داغ سویون ایچینه تؤکوب چای کیمی دمله‌یین. سوماغین طبیعتی‌نین سویوق اولدوغونا گؤره یاخشی اولار اونا بیر آز دا آغ نابات آرتیراسیز سونرا موادی یاتیخاندان سونرا سوزگچ اینن سوزون و میل ائله‌یین. نوش اولسون !
دئمه‌لی‌یم تازا سوماق مسموم ائله‌یه بیلر. اونا گؤره حتما و حتما قورو سوماقدان استفاده ائله‌یین.
هابئله سویوق مزاج انسانلار سوماغی آیری ایستی مزاجلی بیتکی‌لرینن بیرلیکده استفاده ائله‌سینلر.