سلامت نيوز: موحقيقلر بيليبلر كي حافيظه‌نين اينسيجامي اوچون  24 ساعتده هئچ اولماسا بير دفعه وقفه‌سيز يوخو لازيمدير چونكي سيچانلاردا آپاريلان آزماييش نيشان وئردي كي بير باشا ياتماماق حافيظه‌نين يارانماماسينا باعيث اولور.

سلامت نيوزون اؤلكه‌نين نيظام پرستاري سازماني‌نين ايطّيلاع‌رساني پايگاهيندان و اودا بي‌بي‌سي‌دن نقل اولان گوزاريشينه گؤره، The Proceedings of the National Academy of Science علمي نشريه‌سينده مونتشير اولان تحقيقات نتيجه‌لري، آلزايمره موبتلا اولانلارين حافيظه‌لري‌نين الدن گئتمه‌سينه توجيه ساييلا بيلر.

بريتانيا دا «استانفورد» دانيشگاهي بير تحقيقاتدا بيلدي كي قيرتيق يوخو باعيث اولور حئيوانلار شئيلري تانيماقدا موشكوله توشسونلر.

بريتانيا دا بير يوخو موتخصّيصي بو اعتيقاددادير كي درين يوخودا مغز گونون ايتّيفاقلارين آراشديرار و هانسي خاطيره‌لري ياددا ساخلاماغا تصميم توتار.

بو تحقيق يوخولاريندا ايختيلال اولان سيچانلار اوستونده انجام تاپدي آما يوخولاري‌نين مودّتي و نئجه‌ليغي آيري سيچانلارينان فرقي يوخيدي. بو تحقيقده " آپتوژنتیکس"  شيوه‌سيندن ايستيفاده اولدو كي اوندا خاص سلول‌لاردا ژنتيكي دگيشيكليكلر آپاريلير.

موحقّيقلر بو تحقيقين نتيجه‌لري اساسيندا دئييرلر: آلزايمر كيمي ناخوشلوقلار كي ناخوشون حافيظه‌سينه اثر قويور، پاتولوژي موشكول‌لريندن اوز وئرن ناخوشلوقلار، هر شئيدن اوّل ناخوشون يوخوسونا اثر قويور.

بو موحقّيقلر دئييرلر: يوخونون اوزونلوغو، نئجه‌ليگي يا درينليگينه باخماياراق، حافيظه‌نين اينسيجامي اوچون بير وعده وقفه‌سيز يوخو لازيمدير.

 ؤرمك اولمور. بونا باخماياراق كي موضوعلاردا شك ائله‌مك باره‌سينده چوخلو ريوايتلر وار كي اونون علاجيني شكّلي امرين ايستيصحابين تانيتديريب. آما فيقه دونياسيندان ائشيكده يعني اسلامي كلام حوزه‌سينده ايسلامي معاريفين و ايسلامين حقانيتي‌نين ايثباتيندا عقلين نقشينه چوخ تأكيدي وار. مشهوردور كي ايمام صادق (ع) اؤز شاگيردلريني ايسلامين موختليف علملرينده تخصّوصي صورتده تربيت ائديردي تا لازيم اولاق وقت اونلاردان موناظيره اوچون بهره آپارسين.

كوليّتده، او زامان موخاليف فيقهي محفيل‌لرده عقلين راييج اولان ايكي جور كاركرديني، نقد ائديردي. بو ايكي جور ظاهيرده عقلي كاركرد بئله‌ايديلر: مورسله مصلحتلر و قياس. مورسله مصلحتلر واقعده او مصلحتلر و مفسده‌لريديلر كي شريعتده اونلاردان بحث اولماميشدي و ايصطيلاحاً هئچ جوزيي يا كولّي اصله موستند و موقيّد اولماميشديلار بلكه باشينا قالميشديلار. بو تعريفده جوزيي اصلدن منظور ايجتهادي خاص دليلدير كي بير خاص فيقهي موضوعنون باره‌سينده كاراييسي وار و كولّي اصلدن منظور، ايجتهادي عام يا موطلق دليلدير كي خاص دليل اولماياندا ايشه گلر. بو مصلحتلر و مفسده‌لري چوخ‌راق محلي اميرلر و حاكيملر موختليف قاباغا گلن موقعيّتلرده ايشله‌ديرديلر. البته بو امرلرين شرطي بو ايدي كي كيتاب و سونّتينن موخاليف اولماسين كي طبيعتاً اونون مؤحرز اولماسي ايجتهادي دليل‌لرين اولماماسي‌اينن كاميلاً مومكون‌ايدي.

شايد ايمامين موخاليف فقيهلر طرفيندن بو مصلحتلر و مفسده‌لرين تشخيصي‌اينن، موخاليف اولماسيني فيقهي باخيمدان يوخ بلكه او حضرتين جور حاكميتي يا اونلارين طاغوت آدلانديرديغي حوكومته خاص باخيشي بيلمك اولا. هرچند ايمام فيقهي بوعددا دا بو امره قاييل دئييلدي كي حؤكمون تنجيز و فعلي اولماسينا باعيث اولان مصالح و مفاسدين تشخيصي راحات اله گلندير. برعكس اونلارين آللاهدان و اونون رسولوندان و سونراكي مرحله‌ده اولوالامردن محض تبعيّت ائتمك بوتون تأكيدلري، بونو چاتديريردي كي عمل‌لرين مصالح و مفسده‌‌لريني تشخيص وئرمك غير قابل وصف صورتده چتيندير.

شايد ايمامين موخاليفتيني بوجور جمعبندليق ائله‌مك اولا كي اگر طاغوت حوكومتي اولماسايدي و حوكومت او حضرت و اونلارين كؤمكلري‌نين الينده اولسايدي، اوندا تصوّور ائتمك اولاردي كي ايمام مورسله مصلحتلري بخشيني يئنيدن تعريفله‌رديلر. آما ايمامين قياسا منفي باخيشي كاميلاً آيديندير. اونلار منصوص‌العله اولان قياسين حوجيّتيني قبول ائله‌ميرديلر. البته قياسا بو خاص باخيش كي واقعده «مشبهٌ به»-ين حؤكمونو «مشبه» اوچون تعميم وئرمه‌سينه خاطير بير جوزيي امرين آيري جوزيي امرده اوخشاتماسي‌ايدي، گاهدان ايمامين لاب ياخين آداملارين تعجوبلنديريردي. آما ايمامين كؤمكلرينه بو امر كاميلاً آيدين‌ايدي كي ايمام «مستنبط‌العله» قياسين آلتينا كي موجتهيد فقيه اؤزو حؤكمون مناطين ايستيخراج ائديردي، گئتمزدي.