جام جم آنلاين: دانيشمندلر و اولدوز تانيانلار تازا بير
سياره تاپيبلار كي اينسانين ياشاماسينا موناسيب شراييطي وار، البته بير پارا
چتينليقلاري‌دا اولاجاق.
فارسين گوزاريشينه گؤره، اولدوز تانيانلار بونا اينانيرلار
كي تاپديقلاري سياره اينسانين ياشاماسي اوچون موساعيد شراييطه صاحيبدير آما بير
پارا چتينليقلاري‌دا وار. دانيشمندلر بو سياره‌ني بوخار حامامينا بنزه‌ديرلر كي
ياپيشقان موحيطي وار و اينساني ناراحات ائدر.
اوروپالي دانيشمندلر و اولدوز تانيانلار بو سؤزو آمريكادا
اولان بير كونفيرانسدا دئديلر و آرتيرديلار: گونش منظومه‌سيندن ائشيكده بو سياره‌دن
سونرا داها آيري 50 سياره ده كشف اولوب كي اونلارين بيري اينسانين ياشاماسي
اوچون نيسبتاً موناسيب فيزيكي شراييطي وار.
ساينس دئيلي‌نين گوزاريشينه گؤره، بونو نظرده آلماغينان كي
سو اينسانين حياتينا لاب ضروري مادّه‌دير، بو سياره‌ده سو وار آما بو سو آخار
صورتده دئييل بلكه نه چوخ سويوق و نه چوخ ايستيدير و بو سيارهنين سويو بوخار
شكلينده‌دير. بو سيارهنين جينسي داشداندير و موشتري سياره‌سي كيمي گازدان تشكيل
تاپماييب؛ تازا تاپيلان سيارهنين جئرمي يئرين 3.6 برابريدير و اونون دماسي 30 دان
50 سانتي‌گيراد درجه‌يه قدر اولور و اونون سطحي چوخ روطوبتليدير.
دانيشمندلر دئييرلر يئرين يوزده اللي روطوبتي
بولوتلاردادير، حال بو كي بو اؤلچو تازا تاپيلان سياره‌ده 60 درصددير كي
موحقّيقلرين دئديگينه گؤره منطيقي‌دير.
تازا سياره « hd85512b
» آدلانير و يئردن 35 ايشيق ايلي فاصيله‌سي وار. بو سيارهنين فاصيله‌سين
ياخجي درك ائله‌مك اوچون دئمك اولار كي هر ايشيق ايلي 5.8 ميليون مايل برابريدير.
بو سياره باشينا دولانديغي اولدوز گونشدن مين درجه سويوقراقدير و بو سيارهنين هر
ايلي 60 گون موعاديليدير.