دانيشمندلرين دئديگينه گؤره، اينسان بو گونه‌جن فقط
«اولدوزلار ساواشي» علمي تخيّولي فيلمينده ايكي گونشلي سيّاره گؤرموشدو كي اونون
اوستو قوپ-قورو ايستي بيابانلارينان اؤرتولموشدور. آما او فيلمين تخيّولي سياره‌سي‌نين
خيلافينا «كپلر 16-بي» سياره‌سي چوخ سويوق و گاز شكلينده‌دير و اونون اوستونده
ياشاماق كاميلاً ايمكانسيزدير.
آمريكا اولدوز تانيان دانيشمندلري شمسي منظومه‌سي‌نين
ائشيگينده بير سياره تاپيبلار كي ايكي گونشي وار.
فرانسه خبر گوزاريسيندن نقل اولان خبر مركزي واحيدي‌نين
گوزاريشينه گؤره، ايكي پارلاق اولدوزون دؤره‌سينه دولانان بو سياره كي گونده ايكي
دفعه گونشلري‌نين چيخيب باتماسينا شاهيد اولور، «كپلر 16 بي» آدلانيب.
او سياره يئر كوره‌سيندن ايكي يوز ايشيق ايلي فاصيله‌سي وار.
هر ايشيق ايلي دوققوز مين بئش يوز ميليارد كيلومتردير.
دانيشمندلرين دئديگينه گؤره، اينسان بو گونه‌جن فقط
«اولدوزلار ساواشي» علمي تخيّولي فيلمينده ايكي گونشلي سيّاره گؤرموشدو كي اونون
اوستو قوپ-قورو ايستي بيابانلارينان اؤرتولموشدور. آما او فيلمين تخيّولي سياره‌سي‌نين
خيلافينا «كپلر 16-بي» سياره‌سي چوخ سويوق و گاز شكلينده‌دير و اونون اوستونده
ياشاماق كاميلاً ايمكانسيزدير.
اولدوز تانيانلارين دئديگينه گؤره «كپلر 16-بي» سياره‌سي‌نين
جئرمي موشتري سياره‌سي‌نين اوچده بيريدير و اونون اندازه‌سي تقريباً زوحل سياره‌سي‌جندير.
بو سياره ايكي‌يوز ايگيرمي‌دوققوز گونده ايكي گونشي‌نين
باشينا دولانير. بو سياره‌نين فاصيله‌سي ايكي گونشيندن تقريباً يوز دؤرد ميليون
آلتي‌يوز مين كيلومتردير.
بو سياره‌نين ايكي گونشي، شمسي منظومه‌سي‌نين گونشيندن
كيچيك‌راق و چوخ سويوق‌راقدير و اونا گؤره ده «كپلر 16-بي»نين دماسي منفي يئتميش‌اوچدن
منفي يوز بير سانتي‌گيرادا جن سويوق اولور.
بو سياره «كپلر» تلسكوپي واسيطه‌سيله تانينماغينا گؤره
اونون آدي اوستونه قويولوب.