چوخلو نوماييش صفحه‌لر و لمسي صفحه‌لر ائلريميزه هوجوم گتيريبلر. شايد بو
مسأله بؤيوكلره عصبلشديرن و قورخولو اولا. آما تازا آراشديرما نيشان وئريركي
اوشاقلار اؤزلرين بو مودئل ياشاماغينان تطبيق وئريرلر.
ديجيتال ترندز گوزاريشينه گؤره، انگيليستاندا لاف بور و بريستول دانيشگاهي‌نين
موحقيقلري الكترونيكي ديداري وساييلين اثريني اوشاقلار اوستونده و اوشاقلارين نئچه
وسيله‌اينن بير زماندا نئجه تعامول ائتمه‌سي باره‌ده تحقيق ائله‌ديلر.
اولا بيلر نتيجه اومودلو اولا، قاليب سيزين باخيشيزا.
بو موحقّيقلر 11-10 ياشلي اوشاقلاردان سوروشماقدان سونرا گوروبلر كي اونلار
عئيني زماندا نئچه نوماييش صفحه‌يه باخماقدان لذّت آپاريرلار. مثلاً تلويزيونا
باخا-باخا آي‌پد دن ايستيفاده ائله‌سينلر.
اوشاقلار سئويرديلر تلويزيونون برنامه‌لرينده وقفه اولاندا بو وسيله‌دنا
يستيفاده ائله‌سينلر. مثلاً سئومه‌ديكلري برنامه‌لر، تبليغات پخش اولان زمان
دوستلارينن دانيشيب يا پياملاشماغي سئويرديلر. دئمك اولار كي تلويزيون بير پس
زمينه باش قاتماغا چئوريليب و موبايل كيمي وساييل قاباغا توشوبلر.
ايندي اوشاقلارين ايختياريندا اولان وساييل، آتا-آنانين اوشاقلاري ديجيتال
دونياسيندان آييرماقدان چتينله‌ديب.
بريستول فني دانيشگاهيندان دؤكتور جاگو دئيير: بهداشت مسئوللاري توصيه ائديرلر
كي اوشاقلارين تلويزيونا صرف ائله‌ديغي وقتلر آزالسين. آما بو آراشديرمادا
اوشاقلار آزيندان 5 وسيله‌دن ايستيفاده ائديرلر كي اونلارين چوخو حمل اولا بيلن
ايديلر.
بو او معنادادير كي اوشاقلارين ايسته‌ديغي حالتده كي تك
اولالار يا خانيواده‌اينن، بو وساييل اوتوراجاق اوتاغيندا يا يوخو اوتاغينا حمل
اولا بيلرلر. بونا گؤره بهداشتي موشكوللري حل ائتمك اوچون تكجه تلويزيون
اوشاقلارين اوتاغيندان چيخارتماق كيفايت ائله‌ميه‌جك و لازيمدير، خانيواده‌لره
اؤيره‌دك تا اوشاقلارين نوماييشي صفحه‌لره باخما زمانيني ائو موحيطينده
آزالدسينلار.
البته بو آراشديرما بو بير زماني نئچه ايشه مشغول اولماغين، اوشاقلار اوستونه
نه اثري اولدوغونا باش قوشماييب. بيز اينديدن«آز ديقّتلي چوخ چاليشما ايختيلالي» (ADHD) عصرينده ياشييريق. گؤره‌سن گلن نسلين
اوشاقلاري بير شئيه نئچه دقيقه‌دن آرتيق تمركوز ائتمگه گوجلري چاتاجاق؟ گؤره‌سن بو
ايشه احتياجي اولاجاق؟