جام جم آنلاين: ختمي گولو اؤسكورمه، ايلتيهاب، احتيقان و آغري داواسيدير و
قانين قنديني آزالدان، بدنين ديفاعي سيستمين تحريك ائدن، موسهيل، موليّين، ايدرار
آور، خيلط آور و ضيد عوفوني ائدندير.
ختمي گولونون طبعي سويوق و ياشدير اؤزوده ضيد ايسپام، سينه‌ني يوموشالدان،
بدني سرينله‌دن، بدني تقويت ائدن، موسكين، تب كسن ضيد نزله و قابيضدير.
ختمي گولو قان دولانماسيني‌نين ايصلاح و تقويت ائدني،سينه‌ني يوموشالديب مرطوب
ائدن و ريه‌نين آنتي بيوتيكيدير. سويوق دگمه و آنفولانزا و سينه خيشيلتيسي‌نين
درمانيدير.
شهيد بهشتي طيبّي علملر دانيشگاهي‌نين علمي هئيأت عضوي فراز مجاب دئدي: ختمي
گولو كي اونون ريشه‌سي و گولو فايداليدير قديم طيبّ باخيميندان سويوق و ياشدير.
اونون دئديگينه گؤره ختمي گولونده موسيلاژي تركيبلري وار كي بوغاز آغريسي و تنفّوسي
نوخوشلار و چوخ اؤسكورنلره فايداليدير.
شهيد بهشتي طيبّي علملر دانيشگاهي‌نين آيري علمي هئيأت عضوي
محمد صالحي سورمقي دئدي: ختمي گولون موسيلاژيندان چاتلاميش دري‌نين درماني اوچون
پوماد دوزلديبلر. كوليّتده ختمي گولو بدنين بوتون عضولرينه مخصوصاً آغ جيگرلره،
قورساق، بؤيركلر و مثانه اوچون فايداليدير. ختمي گولو قورساق ياراسينا فايداليدير.