معمولاً بيز اؤزوموزه طراحليق ائله‌ماغا چوخ اهميت وئرمه‌روق بلكه چوخراق
موشتري‌لريميزه طراحليق ائله‌روق؛ او موشتريلر كي اؤزلرينه گؤره سليقه‌لري وار و
آخيرده گرك اونلاري راضي ائليه‌بيلاق كي نييه بئله طراحليق ائله‌ميشوق. ياخشي
طراحليق اؤزو دانيشماز و بير سؤز دانيشانا
احتياجي وار!
پيامين اهميتي
طراحلارين تصوّورونون خيلافينا بازارتاپما پيس كلمه دئييل. ايرتيباطين
اهميتي باره‌سينده، تبليغات و بازارتاپما صنعتلريندن چوخ زادلار اورگشه بيلره‌روق.
بعضي تبليغاتلار كوپون كيمي عمل ائديرلر و موخاطبين باشينا قيشقيريرلار كي «ايندي
آل!»، بوننان بئله اصلي تمركوز بوردادير كي هر پيام نئجه درك اولماليدير و
موشتريلري نمه‌نه چوخ موتقاعيد ائده بيلر.
آراشديراندا گؤروروق كي بوردا ايرتيباط مسأله‌سي چوخ زيركليغينان مطرحدير.
موخاطبين نيازلاريني يئرينه گتير‌ماغينان، آل وئر هدفلرينه چاتماق آراسيندا بير
ظريف توازون يارانير. بوردادير كي طراحليق، ايشي ساده‌لتماغينان كيليدي نقش
اوينايا بيلر.
طراحليق بير «ايتيفاق» دئييل
طراحليق اؤزو، نتيجه‌لنديرماقلاردان
بير پروسه‌دير كي خودآگاه و ناخودآگاه بخشلري‌نين بيرتعداد تصميملرينه شاميل
اولور. طراح بو پروسه‌نين آراسيندا، بير راه‌حلّه چاتماغا ايش‌وئرمه‌ين ايده‌لري ردّ
ائدير.
آما بو پروسه موشتري اوچون معناسيز و موبهمدير. موشتري معمولاً طراحليغي نه
بير درين پروسه‌نين نتيجه‌سي عونوانيندا، بلكه تكجه دستورلارا جواب و مولاحيظات و
محدوديتلردن بير ديداري ايرائه وئرماق بيلير كي، طراح قاباقدان حاضيرلاييب. سيزين
بير طراح عونوانيندا، بير ايشيز موشتري‌يه آموزيش وئرماق و طراحليق پروسه‌سي‌نين
آيدينلاتماغيدير. بو ايشي گؤره بيلمه‌سز ايشيز چتين اولاجاق. خولاصه دئساق مسأله
بئله ايتيفاق توشور كي موشتري پروسه‌يه
ورودوي(دئيتا) وئرماق اوچون بير پارا پيشنهادلار وئرير. آما اونلار سيزين
طراحليغين داليسندا اولان اينتيخابلارين دليل‌لريني بيلميرلر، پس نظرلري ياواش
ياواش وبسايتي اؤز اصلي هدفيندن اوزاقلادير، طراحليق خراب اولور، طراح حيرصله‌نير،
موشتري بو يوبانماغا گؤره ناراحات اولور و طراحينان موشتري‌نين آراسي دَيير.
بيز وب طراحلاري و وب اوستادلاري عونوانيندا اينتيقاددان قورخمامالي‌يوق.
ياخشي طراحليق اينتيقادلارين قاباغيندا دايانار چون بير شخصي نظردن آرتيقدير.
اينتيقادي، تصميملريزين داليسندا اولان دليل‌لري توضيح وئرماغا، بير فورصت بيلين و
موشتريني طراحليق دونياسينا دعوت ائله‌يين تا اؤزونو بو پروسه‌نين بير بخشي كيمي
بيلسين.
اينتيقادينان بئله برخورد ائله‌سيز، هم سيز و هم موشتري فايدا آپاراجاقسيز
و بوندان سونرا موشتري طراحليق موشكوللريني سيزه جواب وئره بيله‌جاق شكلده مطرح
ائليه‌جاق. مثلاً بونون عَوَضينه كي دييه: «رنگين ياشيل ائله!» دئير :«قيرميزي چوخ
گؤزه چالير و بيز ايستيروق محصوللاريميزين فايدالاريني طبيعتده گؤرسه‌داق، بونا
گوره فيكر ائليرم طبيعت رنگي ياخشي اولا؟ سيزين نظريزه ياشيل نئجه‌دي؟» هابئله
اونلاري دگيشماغا آماده گؤرسوز طراحليقلاريزا آزراق تعصّوب نيشان وئررسيز. مگر
بوكي طراحليق تصميملريزين داليسيندا قانع ائليه‌ن دليللريز اولا.
واژه‌لر فرهنگيني اؤرگشماق
طراحليقلاريميزي موشتريلره توضيح وئرماق ايسته‌سوق، اونون ديلين بيلمه‌ليوق.
ديداري رسانه‌ني كلمه‌لره ترجومه ائله‌ماق راحات ايش دئييل. معمولاً طراحلار
طراحليغي آيريلارينا توضيح وئرماقدان عذاب چكرلر.
طراحلارين آيري موشكولو فرضي علم‌دير. اونلار ياددان چيخارديرلار كي
طراحليقدان درك ائله‌ديقلارينين چوخو قاباقكي تجروبه‌لردندير و بونا خاطير،
پيشنهادلاري اوستونده ايصرار ائدن موشتريلرين قاباغيندا، تابسيز اولورلار. بئله‌كي
شراييطده پايه موريدلره قاييتماق، مثلاً طراحليق عونصورلري و اصللره قاييتماق،
كؤمك اولا بيلر.
مومكوندور سيز ده ايستيه‌سيز بو عونصورلر و اصللرينن تانيش اولاسيز حال
بوكي قاباقجن اونلاردان ايستيفاده ائله‌ميسيز. مثلاً آغ فضا واقعاً بير تَوازون
بَيانيدير، چونكي هر عونصور اوچون كيفايت قدر فضا يارالدير تا لازيم اولان تمركوز
اونلارين اوستونده انجام تاپا.
طراحليق اصللري و عونصورلرين درك ائله‌ماق هابئله طراحليغين پروسه‌سينده
كؤمك اولا بيلر. سئچديقلاريزي ارزيابليق ائليه‌نده «نظره ياخشي گلير» دن آرتيق
زادلار درك ائليه‌جاقسيز.
قانع ائليه‌ن بير ايستيدلالين ياراتماسي
نهايتاً موشتريلريميزي طراحليق‌لاريميزين ارزيشلري باره‌سينده قانع ائله‌ماق
ايسته‌ساق، قانع ائله‌ين ايستيدلال‌لارا احتياجيميز وار. اونلارين قانع ائله‌ماغينا
لاب ياخشي يول، بير دوز متنده تنظيم اولان ايستيدلالدير.
معمولاً موشتريلرين اوستونده چوخلو فيشارلار وار و مجبوردولار وبسايتين
موختليف اينتيظارلارينن باش باشا وئرسينلر. بو اينتيظارلارين بيلمه‌سي سيزه پروسه‌نين
بوتون مرحله‌لرينده مخصوصاً طراحليق مرحله‌سينده كؤمك اولار. بعضي اينتيظارلار هدف
عونوانيندا مطرح اولورلار كي گرك موستندسازليق اولوب طراحليغين اساسي عونوانيندا ايشه
توتولا.
منبع: smashingmag