استرالیالی محققلر واکسیناسیوندا ایینه‌نین یئرینی توتا بیلن
نانوبرچسب دوزلدیبلر. بو برچسب آغریسیز اولاراق داوا ترکیبینی و یا واکسنی بدنه
تزریق ائلیر.
کویینزلند دانشگاهیندا جناب مارک کندال بو طرحین اوستونده ایشله‌ییر
کی بو یولونان 160 ایللیق عمرو اولان ایینه و سرنگینی ایشینی باشا وئرمک اولار.
بو نانونبرچسب فعال اچ یون آدلی یولونان دورلیب کی یونلار الکتریکی
میداندا اوتوروب اونو تغییر وئریرلر. الکتریکی میدانی‌نین اولماسینا گؤره یونلاری
چوخ یوخاری دقّت اینن کنترل ائله‌مک اولار.
بو یولون راحاتلیقلاریندا بونو سایماق اولار کی بو یول بوندان اوّل
گونش باطری‌لاریندا ایشلنمیشدی و ساده‌لیغینان انبوه تولیده چاتدیرماق اولار.
غیر مسلح گؤزونن نانوبرچسبین اوستونده‌کی میکرو ایینه‌لری گؤرمک
اولماز. اوندان بلئه اونلارین اوزونلوغو دری‌یه باتاجاق قدر اولار. بو میکرو ایینه‌لر
حفاظتی نقشلری اولان دری سلول‌لارین اؤلو بؤلومونه نفوذ ائلیرلر.
اؤلو لایه‌دن کئچندن سونرا دری‌نین دیری بؤلومنه چاتیرلار کی
واکسنین ایشینده مهم رولو اولان بدنین ایمنی سلول‌لاری یئرلشیر.
بو تیم گؤرستدیلر کی بو یول اینان میکرو ایینه‌لرین سطحینی واکسن
موادی اینن اؤرتماق اولار کی بئله‌لیغینان واکسن چوخ آشاغی دوزونان بدنه وارد
اولار.
دونیا جمعیتی‌نین یوزده اونو آمپولدان قورخورلار و دونیا سلامت
سازمانین وئردیغی آمارا گؤره ایلده 3.1 میلیون نفر آمپول آلوده‌لیغی تأثیرینده
جانلارینی الدن وئریرلر.
بو تکنولوژی‌نین آیری بیر مزیتی‌ده وار: بو یول یئرینده اوتورسا
واکسنلری ساخلاماغا داها یخچال لازم اولمایاجاق و اونلاری قورو شکلینده ساخلاماق
کفایت ائله‌یه‌جاق.