بؤیوک بلالارین باش وئردیغی زمان پناهگاهین اولماسی همیشه‌لیق دغدغه‌لردندیر. آما ایندی ترکیه‌لی بیر عالم و مخترع ییغیلا بیلن و راحت حمل اولان بیر پناهگاه دوزلدیب کی بو مشکلی حل ائلیر. A' Design 2016 طراحلیق مسابقه‌سی‌نین قیزیل جایزه‌سینی اله گتیرن «هاکان گورسو» ییغیلمیش حالتینده 80 سانتی متر اولان بو پناهگاهی طراحلیق ائله‌ییب. بو پناهگاه آچیلاندا بوتون تجهیزاتی اینن 4 تختلی بیر خواب اوتاغی، آشپزخانا و یئمک ائوی اولور.

بو پناهگاهین 12 واحدی بیر کامیون اینن داشینا بیلر و اونون قوشماسی فقط نئچه ساعت زمان آپارار.

بو پناهگاهین پنجره‌لری سقفینده‌دیر کی مصنوعی ایشیقدان استفاده‌یه چوخ آز احتیاجی اولور. دیوارلاری سو کئچیرمز و نئچه ‌لایه‌دیر کی انرژی‌نین اتلافی‌نین قاباغینی آلیر.

بو کابین 129 فوت مربع یئر توتور و نئچه آی یاشاماغا مناسب شرایطه صاحبدیر.