اينگيليسده تغذيه موتخصيصلري باش تاپيبلاركي بامادور سويو سوموك
نوخوشلوقلاري نن موقابيله ائله ماغا فايداليدير.
ايسنانين گوزاريشينه گوره، بو موتخصّيصلر دئييرلر: گونده ايكي ليوان
بامادور سويو ايچمك، سوموكلري تقويت ائدر و سوموك پوكالماسي نين قاباغين آلماغا
فايداليدير.
بامادوردا بو خاصيتين اصلي ماده سي احتيمالاً ليكوپن دير. اينديه جن
دوكتورلر بيليرديلر كي ليكوپن بير آنتي اوكسيداندير كي كيشيلرده پروستات سرطانيني
آزالدار. بو آنتي اوكسيدان هابئله اورك نوخشولوغونون قاباغين آلار.
ديلي ميل روزنامه سي نين گوزاريشينه گؤره، اينگيليسده اوچ ميليون حودودوندا
سوموك پوكلوغونا موبتلاديلار.
سان روزنامه سي نين گوزاريشينه گؤره بو آزماييشده كانادا تورنتو دانيشگاهي
نين پزشكي علملر موتخصّيصلري 50 دن 60 ياشاجن 60 خانيمدان ايسته ييبلر كي بير آي
بويوندا بامادورو غذايي رژيملريندن حذف ائله سينلر. اونلار متوجيه اولدولار كي بو
ايش باعيث اولور قاندا «ن ـ تلوپتید» شيدّتينن چوخالسين.
«ن ـ تلوپتید» شيميايي ماده دير كي سوموكلرين ضعيفله مه سي و سينماق
احتيمالي اولان زمان قاندا آزاد اولار. آيري طرفدن، بامادور مصرف ائدن خانيملارين
بدنلرينده «ليكوپن»-ين قانلاريندا چوخالماسينا گؤره، «ن ـ تلوپتید» ميزاني شيدّتي
نن آزالدي و بونا گؤره ده آزراق سوموك ضعيفله مه معرضينده قرار تاپيرديلار.