ترکی | فارسی | العربیة | English | اردو | Türkçe | Français | Deutsch
پنجشنبه 9 فروردين 1403 - 17 رمضان 1445
 
 
 لینکهای بالای آگهی متحرک سمت راست
 
 لینکهای پایین آگهی متحرک سمت راست
 
 
امروز : 242
ديروز : 227
ماه : 3518
 
تاریخ : يکشنبه 27 تير 1395     |     کد : 995

الغدیر صاحبی علامه امینی

غدیر خم واقعه‌سینی مطرح ائله‌ین الغدیر کتابی اسلام دنیاسی‌نین لاپ بؤیوک کتابلاریندان و مسلمانلارین وحدتینه لاپ دَیَرلی سندلردن ساییلیر.

غدیر خم واقعه‌سینی مطرح ائله‌ین الغدیر کتابی اسلام دنیاسی‌نین لاپ بؤیوک کتابلاریندان و مسلمانلارین وحدتینه لاپ دَیَرلی سندلردن ساییلیر.

بو کتابین یازانی بؤیوک علامه؛ عبدالحسین امینی ایدی کی1282 هجری قمری ایلینده آذربایجانین سراب شهری‌نین سویوقلار کندینده دنیایا گلیب.

عبدالحسینین جدی «امین الشرع» او زمانین بؤیوکلریندن ایدی و اونون آدینا گؤره علامه‌ «امینی» یه مشهور اولوب.

بو بؤیوک عالم 14 یاشیندان تبریزین طالبیه مدرسه‌سینده تحصیله باشلادی و 6 ایل سونرا نجف اشرف مشرف اولدو. اجتهاد درجه‌سیه چاتاندان سونرا اونون مجتهدلیغی او زمانین بؤیوک مجتهدلری طرفیندن تأیید اولوندو.

او چوخلو کتاب و تألیفاتیندان سونرا لاپ مهم اثری اولان و اسلام دنیاسی‌نین بیرلیغیندان بؤیوک آددیم ساییلان الغدیر کتابینی یازماغا باشلادی.

شیعه‌نین بؤیوک عالمی سنی‌ بؤیوکلریندن و پیغمبرین یاخین صحابه‌سیندن نقل اولان حدیثلر و روایتلری بیر یئره ییغیب شیعه اعتقادلاری‌نین حقانیتینی ثابت ائله‌ماغا گوجلو بیر کتاب یاراتدی. بو متابین استدلالی او قدر قدرتلیدیر کی چوخ سنی شخصیتی حقیقت اینن تانیش ائله‌دی. عصار العمار عراقلی محقق بو باره‌ده یازیر: علامه امینی الغدیر کتابی اینن غدیر خم حدیثینی سنّی‌لرین جانیندا تازادان دیریلتدی. من اؤزوم سنی ایدیم بلکه وهابی ایدیم آما الغدیر اوخویاندان سونرا شیعه اولدوم.

علامه بو کتابی یازماق اوچون 40 ایل بویونجا هند، مصر، ترکیه، سوریه و عراق کیمی مختلف اؤلکه‌لره سفر ائله‌دی

علامه امینی عمرونون آخر 17 ایلینی امیرالمؤمنین علی (ع) آدینا مزین اولان و 63 مین جلد کتابی اؤزونده یئرلشدیرن بؤیوک کتابخاناسی‌نین کناریندا و علوی حرمین یاخینلیغیندا سوودو.

نهایتده 1349 هجری شمسی ایلین تیر آیین 12-سینده جمعه گونو 70 یاشیندا حقین رحمتینه قووشدو.


نوشته شده در   يکشنبه 27 تير 1395  توسط   مدیر پرتال    تعداد بازدید  74
PDF چاپ چاپ بازگشت
نظرات شما :
 
Refresh
SecurityCode