انقلابین معظم رهبری سپاهین مینلر نفر فرماندهی‌نین گؤروشونده:
اسلامی انقلاب قاباقکینا تای گوجلو و قدرتینن دیریدیر.
فرهنگی و سیاسی نفوذ اقتصادی و امنیتی نفوذدان داها خطرلیدیر.
اسلامی انقلابین معظم رهبری حضرت آیت الله خامنه‌ای سپاهین مینلر نفر فرماندهی
اینن گؤروشده، سپاهی الله‌ین بؤیوک نعمتی بیلیب و داخلی و خارجی مسأله‌لرده اسلامی انقلابین بیلن و گؤرن ساخلایانی آدلاندیردیلار
و اسلامی انقلابی ساخلاماغین ابعادینی آیدینلاتماغینان آرتیردیلار: دوشمن انقلابین
قورتولماسی توّهمی اینن نفوذ فکرینه مخصوصاً سیاسی – فرهنگی نفوذ فکرینه دوشوب کی
دوشمنین توطئه‌لرینی
تانیماق و انقلابی روحیه‌ده دایانماق و آرمانلارین تحققو اوچون استمرارلی حرکتائله‌ماق، اونلاری بو هدفده ناکام قویاجاق.
حضرت آیت الله خامنه‌ای تهدیدیلری تانیماق اوچون سپاهین مهم وظیفه‌لریندن بیرینی داخلی، منطقه و بین الملل مسأله‌لری دائماً رصد ائله‌ماق بیلیب آرتیردی: سپاه باش آشاغی و اؤز اداری ایشلرینه مشغول اولان سازمان
دئییل بلکه داخلی و خارجی مسأله‌لره آگاه اولان بیلن و گؤرن ناظردیر. حضرت سپاهین اطلاعات مجموعه‌سی‌نین بو قسمتده خاطرلادیب بویوردو: سپاهین اطلاعات مجموعه‌سی مسأله‌لری دایم و مستمر رصد ائله‌ییب تهدیدلری تانیمالیدیر.
حضرت آرتیردی: اقتصادی و امنیتی نفوذ البته کی خطرلیدیر و آغیری تبهاتی وار آما
فرهنگی و سیاسی نفوذ اقتصادی و امنیتی نفوذدان داها خطرلیدیر و هامی اوندان مواظب
اولمالیدیر.