ترکی | فارسی | العربیة | English | اردو | Türkçe | Français | Deutsch
جمعه 10 فروردين 1403 - 18 رمضان 1445
 
 
 لینکهای بالای آگهی متحرک سمت راست
 
 لینکهای پایین آگهی متحرک سمت راست
 
 
امروز : 9
ديروز : 242
ماه : 3473
 
تاریخ : شنبه 27 آذر 1389     |     کد : 96

مدّاحلار گرك سندلي مذهبي شعرلردن ايستيفاده ائله‌سينلر

شرقي آذربايجانين ويلايت فقيه نوماينده‌سي دئدي: عزادارليق مراسيملرينده مدّاحلار گرك سندلي مذهبي شعرلردن ايستيفاده ائله‌سينلر تا بو مراسيمين اثري جوانلارين آراسيندا چوخالا.

شرقي آذربايجانين ويلايت فقيه نوماينده‌سي دئدي: عزادارليق مراسيملرينده مدّاحلار گرك سندلي مذهبي شعرلردن ايستيفاده ائله‌سينلر تا بو مراسيمين اثري جوانلارين آراسيندا چوخالا.

فارس خبرگوزاريسي‌نين شرقي آذربايجان ايسلامي تبليغات كولّ ايداره‌سي‌ عومومي روابيطيندن نقل اولان گوزاريشه گؤره، آيت‌الله‌ مجتهد شبستري تبريزين مذهبي هئيأتلري مسئوللاري ييغينجاغيندا، عزادارليق مراسيمي و اونون رأسينده عاشورا ظوهرونون مرايسيميني ايمام حسين(ع) و اونون وفالي كؤمكلري‌نين فضيلتلريندن درس آلماق مراسيمي بيلدي.

او محرم‌الحرام آيي‌نين ياخينلاشماسيني دونيادا ناماز و ايسلام فرهنگي‌نين يايماسينا موناسيب فورصت بيليب و بو امرين موحقق اولماسينا تأكيد ائله‌دي.

تبريز ايمام جومعه‌سي ايمام حسين(ع) جاميعه‌ده عدل و قيسطين برپا اولماسي و ايسلام فرهنگي‌نين ديريلمه‌سي اوچون والا هدفلرينه ايشاره ائله‌ماغينان، عاشورا قيامي و حسيني نهضتي‌نين بوگونكي جاودانه‌ليغيني او بوزورگوار ايمامين حق‌سئورليغي و ظولم‌اينن موباريزه ائله‌ماغيندان بيلدي.

شبستري هابئله بير دوره اينحرافدان سونرا ايمام حسينين(ع) ناب ايسلامين ديريلتمه‌سي اوچون تلاشيني يادآورليق ائله‌ييب دئدي: ايمام حسين(ع) ايسلامين طيّبه آغاجيني اؤزو و كؤمكلري‌نين قانينن سوواردي چونكي هئچ آيري سو بو آسماني آغاجي تازادان ديريلده بيلمزدي.

تبريز ايمام جومعه‌سي آرتيردي: محرم آيي فقط سينه و زنجير وورماق آيي دئييل و گرك بو فورصتدن حسيني مرامين ترويجينه ايستيفاده اولا.

شرقي آذربايجانين ويلايت فقيه نوماينده‌سي دئدي: عزادارليق مراسيملرينده مدّاحلار گرك سندلي مذهبي شعرلردن ايستيفاده ائله‌سينلر تا بو مراسيمين اثري جوانلارين آراسيندا چوخالا. بو منظورا گؤره ماللا محمد فضولي، محتشم كاشاني و سيد محمد حسين شهريار كيمي عيرفاني شاعيرلرين شعرلري لاب ياخشي منبعديلر. او ناآگاه آداملارين طرفيندن ايماملارا منسوب اولان جعلي تيمثاللارين ييغيشديريلماسيندان سئوينديگيني بيلديريب، شرقي آذربايجان ايسلامي تبليغات كولّ ايداره‌سي‌‌ و مذهبي هئيأتلريندن بو زمينه‌ده‌كي تلاشلاريندان قدردانليق ائله‌دي.

تبريز ايمام جومعه‌سي ايدامه‌ده حسيني عزادارلار طرفيندن عزادارليغين ايسلامي شأنلريني رعايت ائله‌ماغيني يادآورليق ائله‌ييب اوميدوارليق ايبراز ائله‌دي كي شرقي آذربايجانين ويلايت‌پرور جماعاتي و مربوط نهادلارين همكارليغي سايه‌سينده اولان عزادارليقلار اباعبدالله‌الحسين(ع) طرفيندن قبول اولا.


نوشته شده در   شنبه 27 آذر 1389  توسط   مدیر پرتال    تعداد بازدید  192
PDF چاپ چاپ بازگشت
نظرات شما :
 
Refresh
SecurityCode