رُوِیَ عَنِ الصَّادق (ع) قال:
الْحُجَّهُ قَبْلَ الْخَلْقِ وَ مَعَ الْخَلْقِ وَ بَعْدَ الْخَلْقِ(1)
«حجت» خلقدن قاباق و خلقله (خلق اينن) باهم و خلقدن سونرادير.
ريوايتين شرحي: «حجت» بو ريوايتده
ايمامين مقدس وجودوندان كينايه دير و بونا ايشاره دير كي آللاه تعالا مومكوناتي
ياراتماقدان قاباق ايمامين نورونو يارالديب و بو نور هميشه اونلارينان واردير. و
اونلار آرادان گئدندن سونرا دا بو نور قالارگي دير و سونسوزدور و بو مقدس نور
«حجت» و «ايمام»دير.
بو كي دئييلير ايمام زمانين (ع) مقدس وجودي نيمه شعباندا ويلادت تاپيب، بو
معنايه دير كي بو دونيادا كي ظهوري نيمه شعبان گونودور، يوخسا آللاه تعالانين
قودرت الي موجوادتي ياراتماقدان قاباق بو مقدس نورلاري _ كي واحيد نوردولار _
ياراتميشدير.
بو تعبيرلر كي نقل ائديرلر:
«لَوْلا الْحُجَّهُ لَسَاخَتِ الارْضُ بِاَهْلِهَا وَ بِیُمْنِهِ رُزِقَ الْوَری
وَ بِوُجوُدِهِ ثَبَتَتِ الْأَرْضُ وَ السَّمَاء» بو معنايه دير كي حقيقتاً ايمكان
عالمي نين روحو بونلارديلار. روح اولماسا جيسم داغيلار. روح گئدنده، بدن
پارچالانار. او زاماناجن آياق اوسته ييك كي بو «بوتؤو روح» اولسون؛ منيم بو بدنه
غذا يئترمگيم روحا خاطيردير.
«بِیُمْنِهِ رُزِقَ الْوَری»؛ روح
سايه سينده دير كي بدنين سايير سِلول لاري تغذيه اولورلار. سلول لارين هر بيرينين
اؤز روحو وار، آما هاميسي بوتؤو روحون سولطه سي آلتينداديلار. اونلارين تغذيه
اولماسي بوتؤو روحا خاطيردير. بو عالمين آللاه تعالا طرفيندن ريزق صاحيبي اولماسي،
اونون مقدس وجودونا خاطيردير كي ايمكان عالمي نين بوتؤو روحودور.
كي اگر اولماسا بدن كيمي بير بيرندن آيريلار. اونا گؤره بونو عرض ائتمك
ايستيرديم كي نيمه شعبان گونو او «حجت»ين ظهورودور، نه اينكي نعوذبالله او «حجت»ين
يارانما و ويلادت گونو اولسون. يوخسا مقدس ايمامين وجودي سايير مومكوناتين
يارانماسيندان قاباقدير.
نوتلار:
(1). اصول کافی، 1-نجي جيلد،
صفحه177 - بحارالانوار 23-نجو جيلد، صفحه38