معظم انقلاب رهبری حضرت
آیت الله خامنه‌ای بیر حکمده عزت الله
ضرغامی‌نین چالیشمالاریندان
قدردانلیق ائله‌ماغینان، محمّد سرافرازی
بئش ایللیق دؤره اوچون جمهوری اسلارمی رادیو تلوزیونون رئیسی عنوانیندا تعیین ائله‌دی.
معظم انقلاب
رهبری‌نین اطلاع‌رسانی سایتی‌نین وئردیغی گزارشه گؤره، بو
حکمون متنی بئله‌دیر:
بسم
الله الرحمن الرحیم
جناب آقای محمّد
سرافراز دام توفیقه
مهندس سید عزت
الله ضرغامی‌نین یورولماز و اورک
یاندیران و ابتکارلی اولان مسئولیت دؤره‌سی‌نین باشا چاتماسی اینن سیزین صلاحیتلریزه دقّت
یئتیرماغینان و ملی رسانه‌ده اوزون تجربه‌زدن و بو بؤیوک و مهم مجموعه‌دن وسعتلی تانیشلیغیزدان خبردار اولماغینان، سیزی بئش
ایللیق دؤره اوچون جمهوری اسلامی رادیو تلوزیون سازمانی‌نین رئیسلیغینا منصوب ائلیرم.
رادیو تلوزیون
سازمانی، خطرلی «جامعه‌نین عمومی افکاری و فرهنگی‌نین مدیریتی و هدایتی» مأموریّتی اینن عمومی دانشگاه کیمی، رسانه ساحه‌سینده مترقی و درین حرفه‌ای برنامه‌لره
دایانماغینان، ملت آحادیندا دین، اخلاق، اومید، آگاهلیق و اسلامی- ایرانی
زندگانلیق طرزینی ترویج ائله‌ماق وظیفه‌سینی داشییر. ملی رسانه‌نین ایندیکی مقطعده تاریخی مسئولیتی، اسلامی ایران انقلابی‌نین هویت و فرهنگی‌نین استقلالینی ساخلاماق و ارتقا وئرمکدیر. اسلامی نظامین
یوخاری هدفلری مسیرینده، ملت آحادی‌نین
«ملّی عزم، معنوی شادلیق و انقلابی نشاط»ی، درین و وسعتلی عمومی معرفت و آگاهلیغا
باغلیدیر و احتیاجی وار کی اسلامی انقلابین فرهیخته و انگیزه‌لی دلبسته‌لری
و ناب دینی فکری‌نین تولید سرچشمه‌لری اینن پیوند تاپسین. رادیو تلوزیون
سازمانی هابئله اؤلکه‌نین ترقّیسینه تشویق ائله‌ین و حرکتلندیرن
موتور کیمی، ملتین عمومی بسیجینده هر طرفلی و ابتکارلی رسانه‌ای حمایت وظیفه‌سی و همچنین
اؤلکه اُفقونون و نظامین کلان سیاستلرین اجراسیندا و هدفلری‌نین تأمین ائله‌مه‌سینده اجرایی
مدیریته کؤمک ائله‌مک وظیفه‌سینی داشیر. ملی رسانه‌نی انشاء الله بو
بؤیوک مسئولیتده کؤمک ائله‌ین راهبردلارین اهمیتلی‌لری ضمیمه‌ده ابلاغ اولور.
نهایتده اؤز
مسئولیت دؤرونده ملی رسانه‌نین سیاسی، اجتماعی، و
فرهنگی قسمتلرده گؤزه گلیم شکلده نقش اوینایا بیلمه‌سی اوچون، ترقّیسینه شرایط یارادان جناب مهندس ضرغامی‌دن صمیمانه تشکر ائلیرم.
الله تعالی
درگاهیندان سیزین کی اسلامی انقلابین عزیز شهیدلری خانواده‌سینه منسوبسوز، الله‌ین عنایتلرینه دایانماغینان بو خطرلی و حساس مسئولیتین
یئرینه یئتیرماغیندا توفیقیزی ایستیرم و سیزه و حرمتلی همکارلاریزا دعا ائلیرم.
سیّد علی خامنه
ای - ۱۵ آبان