ترکی | فارسی | العربیة | English | اردو | Türkçe | Français | Deutsch
جمعه 10 فروردين 1403 - 18 رمضان 1445
 
 
 لینکهای بالای آگهی متحرک سمت راست
 
 لینکهای پایین آگهی متحرک سمت راست
 
 
امروز : 11
ديروز : 242
ماه : 3475
 
تاریخ : چهارشنبه 9 مرداد 1392     |     کد : 676

آمریکا و اسرائیلین مدیریّتی اینن عراقدا شیعه قیرغینی گئدیر

لبنانین حزب الله‌-ی خبر وئردی: آمریکا و اسرائیلین مدیریّتی اینن عراقدا شیعه قیرغینی گئدیر.


لبنانین حزب الله‌-ی خبر وئردی: آمریکا و اسرائیلین مدیریّتی اینن عراقدا شیعه قیرغینی گئدیر.

عراقدا شیعه‌لرین علیهینه اولان سلسله پاتلامالار مختلف اؤلکه‌لرین عکس‌العملی و محکومیّتی اینن اوزلشدی. حزب الله‌-ین وئردیغی خبره گؤره عراقداکی قیرغینلار آمریکا و اسرائیلین مدیریّتی اینن باش وئریر.

خبر آژانسلاری‌نین خبرلرینه گؤره دوشنبه سحر عراقدا 17 پاتلاما اوز وئردی و 67 نفر شهید اولوب و 230 نفرجن یارالاندی. بو پاتلاییشلار بغداد، بصره، کوت، و کاظمین شهرلری‌نین شیعه منطقه‌لرینده باش وئریب و آخر خبرلره گؤره تروریستلر 300 نفردن آرتیغی قانا بلشدیریبلر. ملل سازمانی‌نین دبیرکلی «بان‌کی‌‌مون» بو پاتلاییشلاری محکوم ائله‌ییب، عراقین پرتگاهدا اولدوغونو بیلدیریب. او، هابئله عراقین سیاسی گروهلارینی عراق بحرانی‌نین تکجه حل یولو اولان سیاسی مذاکره‌لره چاغیریب.

ملل سازمانیندان علاوه، دولتلرین بیر سیراسی‌دا عراقین قانلی حمله‌لرین محکوم ائله‌دیلر. بو اؤلکه‌لرین ایچینده آمریکا و فرانسه‌ده گؤزه دَییر.

لبنانین حزب الله-ی بیر بیانیّه یاییماغینان آمریکا و اسرائیلین گیزلی اللری‌نین عراق شیعه‌لرینی اؤلدورماقدا اولدوغونو بیلدیردی.

بو بیانیه‌ده بئله گلیب: دنیا مسلمانلاری خصوصاً عراق مسلمانلاری اؤز چالیشمالارینی تکفیری تروریزم و آمریکایی و صهیونیستی توطئه‌لرین قاباغیندا بیرلشدیرسینلر چونکی آمریکاو اسرائیل اسلام دنیاسینا سلطه تاپاق قصدینده‌دیلر.

حزب الله، مبارک اوروجلوق آیی‌نین حرمتی‌نین سینماسینا اشاره ائدیب آرتیردی: بو حمله‌لرده تروریستلر مسکونی منطقه‌لری نشانلامیشدیلار و آرواد اوشاغی قانا بلشدیردیلر.


نوشته شده در   چهارشنبه 9 مرداد 1392  توسط   مدیر پرتال    تعداد بازدید  132
PDF چاپ چاپ بازگشت
نظرات شما :
 
Refresh
SecurityCode