منتخب رئیس جمهور اؤز انتخابات ستادی‌نین مسئوللارینن گؤروشده، امام زمانین (عج) خاص عنایتلری و رهبرین تدبیرینی، سیاسی حماسه‌نین یارانماسی‌نین عاملی بیلدی.
منتخب رئیس جمهور، حجت‌الاسلام والمسلمین حسن روحانی انتخابات ستادی‌نین مسئوللاریندان تقدیر ییغینجاغیندا، حضرت علی اکبرین (ع) ولادتینی تبریک دئماغینان دئدی: تدبیر و اومید دولتینه کؤمک ائدنلرین، قاباقدا گئدیب مقصده چاتماق اوچون داها آرتیق فداکارلیق ائله‌ماقلارینی اومید ائلیروق.
روحانی بونو دئماغینان کی بو حماسه‌نین یارانماسی امام زمانین (عج) خاص عنایتلری و معظّم رهبرلیق مقامی‌نین تدبیرلری سایه‌سینده و اونلارین سؤزلری، مخصوصاً آخر لحظه‌لرده جماعتین رأیینی امانت و خقّ‌الناس سایماقلاری تأثیرینده باش وئردی، آرتیردی: اونلارین تدبیرلری اولماسایدی بویون ایران جماعتینده بو قدر شادلیغین اولماسی‌نین اولوب اولمادیغی بللی دئییلدی.
منتخب رئیس جمهور عالملر و جوانلاردان بو شورلو انتخابات صحنه‌سینی یاراتماغا گؤره تشکّر ائدیب دئدی: بو حضور بو جمله‌نی آشکار ائدیر: بیز جماعته داها یاخجی گله‌جاق ایستیروق.
روحانی آیت‌الله هاشمی رفسنجانی و خاتمی‌دن‌ده تشکر ائدیب دئدی: بوتون سیاسی جریانلار اصلاح طلب، اصولگرا، و اعتدال‌گرالار کؤمک ائله‌دیلر و هامی اؤلکه‌میزین باشی اوجالیغی اوچون چالیشیب مایا قویدولار.
منتخب رئیس جمهور اؤلکه‌نین مشکللرینه اشاره ائدیب دئدی: بویون، قدرتین تدریجینن انتقالی اوچون، ایندیکی دولتین وزیرلرینن دانیشاندا چتینلیقلاری داها چوخ لمس ائلیرم آما اومیدیم بیز ذرّه‌ده آزالمیر.
رحانی آرتیردی: انسانلار چتینلیقلاردا و آلچاق اوجالیقلاردا اؤزلرینی گؤرسدرلر و جناب دکتر عارفین حقیقی معنادا بو یولدا مخصوص رولو واریدی.
روحانی اؤلکه‌نین معضللرینی حل ائله‌ماغا تأکید ائله‌ماغینان دئدی: افراط و تفریطدن اوزاق اولماغینان تعادلی اؤلکه جماعتی‌نین ذهنینه یئریداق. دوزدی ستادیمیز یوخدور آما وظیفه‌میزی یاددان چیخارتمامالی‌یوق.