رییس جومهور اینقیلابین موعضیم رهبرینه یازدیغی نامه‌ده:
منیم و دؤلت عضولری‌نین سیزه اولان ایرادتی همیشه‌لیقدیر.
همشهری آنلاین: رییس جومهور موعظم رهبرلیق مقامینا یازدیغی بیر نامه‌ده اؤزو و دؤلت عضولری‌نین ایرادتلرینی بیلدیرماقدان سونرا تصریح ائله‌دی: من و دؤلتده‌کی همکارلاریم مسئولیّتین آخیر لحظه‌لرینه قدر ایسلامی اینقیلابین ارزیشلرینه اورک باغلاییب اؤلکه و جماعت خیدمتینده اولاجاغیق.
دؤلتین رسمی وبسایتی‌نین وئردیغی خبره گؤره، محمود احمدی نژادین کامیل پیامی بئله‌دیر:
بسم الله الرحمن الرحیم
حضرت آیت الله خامنه‌ای (مدظله العالی)
موعظم رهبرلیق مقامی
سلام و تحیّتله
سیزین شنبه گونونده 91.11.28 اولان فرماییشلریزه عطف اولاراق استحضاریزا چاتدیریر کی من و دؤلتده‌کی همکارلاریم مسئولیّتین آخیر لحظه‌لرینه قدر ایسلامی اینقیلابین ارزیشلرینه اورک باغلاییب اؤلکه و جماعت خیدمتینده اولاجاغیق و ایطمینان وئریرم جماعت خادیمی عنوانیندا بیزیم بوتون چالیشماقلاریمیز، اؤلکه‌نین اوجالماسی و موشکوللری‌نین حل اولماسی یولوندا اولاجاق و اؤلکه مصلحتلریندن قیراق، کیچیک آددیم‌دا آتمیه‌جاییق.
منیم و دؤلت عضولری‌نین سیزه اولان ایرادتی همیشه‌لیقدیر. حضزتعالی‌نین سلامت و توفیقاتی‌نین دوامینی موتعال آللاهدان ایستیرم.
محمود احمدی‌نژاد