اسکای نیوز شبکه‌سی اعلام ائله‌دی: آمریکالیلارین یوزده دوخسانی‌نین سیلاحی وار.
بو شبکه آرتیردی: آمریکالیلار هر میلّتدن آرتیق کمری سیلاحلاری وار. سیلاح صاحیبی اولماغین سیاسی جنبه‌سی ده وار نیه کی آمریکالیلارین چوخو بئله اینانیرلار کی سیلاحلی اولماق هر آمریکالی‌نین اساسی قانوندا, تضمین اولموش حقّی ساییلیر.
بو شبکه ایضافه‌لتدی: آیری طرفدن سلاح قاییرما کرخانالاری, آمریکادا بیر فیشار گروهی یارالدیبلار کی کی سیاسی تصمیملره اثر قویور و دئمک اولار کی چوخ آز گروهون بئله نفوذو وار.
اسکای نیوز دئدی: دیقّت یئتیرمه‌لی مسأله بودور کی آمریکادا هر دفعه قتل و فاجیعه‌دن سونرا, سیلاح داشیماغینان موباریزه باشلیر آما آخیری بیر یئره چاتمیر.
بو شبکه آرتیردی: سیلاح داشما قاداغانلیق قانونون تصویب اولماسینا, کونگیره نوماینده‌لری‌نین حیمایتی لازیمدیر کی اونلار دا سیلاح قاییرما شیرکتلرینن ایرتیباطدادیلار. بونا گؤره بو نوماینده‌لر بئله اینانیرلار کی بو موشکولو داها آرتیق جمعیتی سیلاحلاندیرماغینان حل ائله‌ماق اولار. چون اوندا جماعت اؤزوندن دیفاع ائده بیلر.
اسکای نیوز بو جومله‌اینن گوزاریشینی قورتاردی: بو منطیق گؤرسدیر کی آمریکادا بو تئزلیقدا سیلاحلا قیرغینا سون قویولمیه‌جاق.