مقدس كيتابين
بعضي عاليملري ،ادعا ائديبلر كي آرماگئدون، بشرين بوگونكو تمدونونو يوخ ايدر بونا
گوره ده، آرماگئدونون دونيانين پيس سونونون تجسمو اولماسي، هئچ ده، عجيب دئيلدير. موعود
گونو و آخر زمان مسلهسي، اسلام و شيعهيه خاص اولماييب دا،ديگر دينلر و مكتبلرده
ده سوز موضوعسو اولدوغو اوچون ايستهديك كي متعال آللاهين عنايتي ايله،اونلارين دا
نظرلرينين بير قيسميني ارائه ائديريك .بوردا گلن سوزلري محتوا نظريندن تصديقلهمهييريك؛قصديميز
،آنجاق، اونلارين اينانج و نظرلريني گتيرمكدير.
نظامي قوهلر،
مقدس كيتابين آرماگئدون آدلانديردغي يئرده، بيربيرينه باغلانيرلار. مقدس كيتابين
بعضي عاليملري ،ادعا ائديبلر كي آرماگئدون، بشرين بوگونكو تمدونونو يوخ ايدر بونا
گوره ده، آرماگئدونون دونيانين پيس سونونون تجسمو اولماسي، هئچ ده، عجيب دئيلدير.
آرماگئدون سؤزو
، فيلسيطينده موهوم بير شهر اولان "مگيدو (مجدو)"، سوزوندن آلينيبدير .
بير چوخ محقق، آرماگئدون سوزونون، "مجّدو تپهسي" معناسيندا گلن
"هرمجدون" سوزوندن آلينديغيني دوشونور. بو منطقهنين غني تاريخي واردير.
تاريخي قازينتيلار، ميلاددان 4000 ايل قاباندان 150 ايل قاباغا قدر ييرمي دؤور
اشغال اولونماغي گورسهدير. مجدّو، شمالي اسراييلن "حيفا"
بندرينين 18 مايلليغيندا و بيت المقدّسين
55 مايلليغيندا يئرلشمكدهدير.
مگيدونون
ايستراتئژيك موقعيتي، اونو مساحتيندن چوخ اهميتلي ائديبدير. بو منطنقه شمالي
اسراييلن داغلارينا باخير و "اسدارلون" كندينه ده آدليمدير. قديم زامان،
شمالي فيليسطين، خصوصاً مگئدو منطقهسي، لاپ شرقي بير يولدان محافظت اولوندوغو
اوچون، حاصيللي بير منطقهايكن، نظامي اهميته ماليك ايدي. آسيا، آفريقا و آوروپا
قارهلري آراسيندان گئچن و غربدن مئديترانهيه و
شرقدن عربيستان چؤلونه چاتان يول ايسراييلين قديمكي اؤروش(قلمرو)-ونده
ايدي. بو دريا ايله دوز (دشت) آراسينداكي كيچيك ارتباط منطقهسي، اوچ قارهني
بيربيرينه باغلايان بير ايستراتئژيك منطقه ايدي. بو ائنسيز كؤريو، او قدر اهميتلي ايدي كي هرزامان، نظاميلر
اونو الده ائتمك اوچون جنگ ائديبلر.
گئچمیشده،
ایسراییل اؤروش(قلمرو)ـنون بیر قیسمتلری، اهمیتلی نظامی گذرگاهلار کیمی حساب
ائدیلیردی؛ مگیدو دا بو گذرگاهلاردان محافظت ائدیردی. گونوموزه قدر، بو منطقه و
اطرافیندا، 200-دن چوخ جنگ اولوبدور. ائله بونا گؤره ده، بیر محقّق، اونو "قرن
جنگلری یوردو" آدلاندیریبدیر. مگیدو ویا آرماگئدونون سونو ندیر؟ گرهسن مقدّس
کیتاب، بو حیاتی و ایستئراتئژیک یوردون بارهسینده بیر سؤز دئییبدیر می؟
آرماگئدون
پیشگوییسی
یوحنّا
مکاشفهلری کیتابیندا آرماگئدوندان سؤز گئتسه ده، بیربیرلرینه باغلی اولان نظامی
قوهلرین بیربیرلرینه حمله ائتمهسیندن
سؤز آچیلماییبدیر. آنجاق، گلیبدیر کی بو قوّهلر، مگیدو دۆزونه ییغیشب بو
هامار و گئنیش منطقهدن بؤیوک حملهلره حاضیرلاشماق اوچون استفاده ائدیرلر. بئله
سواللار سورولابیلر: اورادا کیملر ییغیشیر؟ اونلاری کیم ییغیر؟ و نه اوچون اورایا
ییغیشیرلار؟
نظره بئله گلیر
کی بو آداملار نئچه سیاسی و مذهبی گوروهداندیرلار: «دونیا پادشاهی، شئیطان، بوتون
عالم پادشاهی-تانری و فیرات چایینین شرقیندن بیر پادشاه». دئمک گرک کی «پادشاه
سؤزو، بوگونکو کیمی، آنجاق رهبرلره دئییلمهییر، بلکه باربیس-ین جمهوررییسی،
باشوزیری (نخست وزیر) کیمی معنالاری واردیر.
تاریخده،بیر چوخ
میللت بیربیرینه باغلانیبدیرلار کی مکاشفهلر کیتابینداکی گوجلو دوردآیاقلی دئییلن
قدرتـه هاوار دورسونلار. تانری (خدا)، بو عظمتلی بیرلییی، تانریدان سووای گۆجلرله
هدایت اولونان بیر حئیوانا بنزهدیبدیر.
مقدّس کیتابدا
گلیبدیر کی بو بیرلییی تشکیل وئرنلر بیر ذهندندیرلر و قدرت و فرمانروالیقلارینی
دؤردآیاقلییا وئرهجکلر.
مقدس کیتاب یاد
ائدیبدیر کی اونلار معجز گؤرسهدن روحلاردیرلار و بوتون ربع-مسکونون پادشاهینا
خروج ائدیب اونلاری او گونون بویوک جنگینه حاضیرلارلار.
گؤرهسن نیظامی
قوّهلر ندن آرماگئدوندا ییغیشیرلار؟ ائله بیل، بو قوّهلر، بونون اوچون اورتاشرقه
(خاور میانه) ییغیشیرلار کی دونیانین کیمین الینده اولاجاغینی گؤرستسینلر. دوزدور
کی بیربیرلرییله جنگ ائتمک یئرینه، عیسا مسیح ایله جنگ ائتمهیه باشلاییرلار!
بیز، آللاه ایله
جنگ ائتمهیه شجاعتلی اولان آداملار بارهسینده هئچ دوشونمهمیشیک. معمولاً، اینسانلار
بیربیرلرییله شاواشارلار. آنجاق مقدّس کیتاب آشکار ائدیر کی اینسانلار عیسا مسیح
ایله جنگ ائتمهیه چالیشاجاقلار. بو زاماندا، دیکتاتورلار و عوامی آلداتانلار،
دونیانین پادشاهلیغینا گؤز تیکرلر و
عظمتلی قوّلر و اونلارین اؤلدوروجو سیلاحلارینین قاباغیندا قازانماقلارینی
اومارلار. حیات یوخ ائدهبیلن گۆجلو سیلاحلار؛ یالنیز، آللاه بیلیر کی اینسانلارین
ایشلرینده مداخله ائتمک اوچون عیسانی گؤندمهسه «هئچ بیر دیری، قورتولامایاجاقدیر».
شئیطان و
آرماگئدون
پرده دالیندا،
آیری بیر گوجلو رهبر ده واردیر کی آرماگئدون نیظامی قوّهلر گوروهوندا اهمیتلی نقش
اوینار. «بو عصرین آللاهی» بوتون میللتلری آلداتار. اینسان دوشمنی اولاراق اونون
هدفی اینسانین نسلینی کسمکدیر.
سانکی
آخیرزاماندا آرماگئدوندا ییغیشان قوّهلر اونو، هدفینه چاتدیراجاق وسیلهلردیرلر.
میللتلرین
بیلمهدییی ده بودور کی آللاه، شئیطانا، فرصت وئریبدیر کی دونیانین متفکّر
رهبرلرینی آلداتسین؛ چون بئله دوشونور کی بو جنگ ایله دونیانی اله گئچیره
بیلهجکدیر.
مقدس کیتابین
آیتلرینه گؤره، آللاه اؤزو، او توولانان (آلدانان) میللت ایله – کی مصیبتدن بئلی
اییلیب – جنگه گیرهجکدیر. آللاه – شئطانین و اونو توولایانلارین دئییل ده –
اؤزونون مطلق قادیر اولدوغونو اثبات ائدهجکدیر و اینسانا ارزونو بوتونلوکله یوخ
ائتمهسینه اجازه وئرمهیهجکدیر.
بو مقدمه ایله،
قوّهلر نئجه «مطلق قادر تانرینین بؤیوک جنگی»ـنده بیر آرایا ییغیشدیقلارینی
اوخودوغوموز زامان، آرماگئدون هدفی بللی اولور.
نبی زکریّا دا
بو بحرانلی زامانی بئله تعریفلهییر: «باخین؛ آللاهین گونو گلیب چاتار... آللاه دا
چیخیب او قوملارلا ساواشار. ساواش گونونده ساواشدیغیندا، آیاقلاری، شرق طرفیندن
اورشلیمه باخان، زیتون داغیندا دوراجاقدیر».
نیظامی قوّلر
بیر آرایا گلیرلر.
مقدّس کیتیابین
تفسیری، آرماگئدون حاقیندا، دیگر بیر وارساییمی (فرضیه) اورتایا قویور و عجیبدیر
کی ندن کیمسه مگیدون سؤزونون تؤرهنمه(مشتق شدن)سینه ایکینجی باخیشدان
باخماییبدیر؟ مگیدون، عیبرانیجه، عسکر ییغیشماغی، سرباز توپلانماسی معناسیندا «گاداد» سؤزوندن آلینمیشدیر. عیبرانی دیلینده،
«ما-» سؤزونون فئعله آرتیریلماسی ایله آد دۆزهلر؛ دئمک، «ماگئد (ماگد)»
سربازلارین ییغیشدیغی یئر دئمکدیر، «-و» ده، «اونون (اریل-مذکّر) اوچون» معناسینی
وئرر: «سربازلارین ییغیشدیغی اونون یئری».
نبی یوئیل
کیتابیندا، آللاه، بو فرمانروالار و تدارکلرینی حمله و جنگ اوچون حاضیرلایار. نئجه
کی دئیر: «بو قوملار آراسیندا جارلایین: جنگ اوچون حاضیرلاشین ، گوجلو کیشیلری
تاپیپ قویون بوتون جنگ اهلی اولانلار
چیخسینلار. قویون اورشلیمه گلسینلر. گافئیینلرینیزی (گاوآهن) قمهلر و
ارهلرینیزی نئیزهلر قاباغیندا خیردالایین. قویون، گوجسوز، "من
گوجلویم" دئسین».
یوخاریداکی
پیشگویی اشاره ائدیر کی باشچیلار، اکین آلتلری دوزلتمه امکانلارینی سیلاح و جنگ
ملزمهلری دوزلتمهیه دهییشدیکلری یئرده تولیدی ییغیشدیرارلار.
سپاهلار بوتون
چؤلو اشغال ائدیب آرماگئدوندا ییغیشیب، مقدّس یوردون دیگر منطقهلرینه گئدرلر.
آما، واقعی جنگ، مگدونون 55 مایللیغیندا
باش وئرهجکدیر.
داها دوغروسو، بؤیوک
ساواش، آنجاق بیر دؤوشمهدیر. آللاه،
اجازه وئرهجک کی سیپاهلار آرماگئدوندا ییغیشسینلار آما سونرا، شۆپههسیز، اؤزو حکومت ائدهجکدیر. شئطان و مزدورلارینا و آلدانمیش رهبرلره،
میللتلری آللاهلا جنگه حرکت وئردیرمکلرینه، اجازه وئرمکله، عیسانین (ع) حکومتینه
مانع اولان لشکرلیلره اجازه وئرهجکدیر کی یالنیز اونونلا جنگده آرادان گئتسینلر.
دئمک، آرماگئدون، گوجلو میللتر و یا نیظامی بیرلیکلر آراسیندا بیر ساواش علامتـی
دئییل ده خیر و شر گوجلری آراسیندادیر.
ساواش
دالبادالدیر
مقدّس کیتاب
آچیقلاییر کی یئرین تیترهمه گونون، «آللاه گونو»دور. او زامان، اینسان ایشلرینه
یئتیشیلهجکدیر تا اونون آللاها گؤره عصیانکارلیغینا سون وئرسین.
یاد ائدیلن
پیشگولوغون یانیندا، نبی یوئیلین کیتابیندا، آللاه دئییر: «قویون میللتلر اویانیب
(اورشلیمدهکی) ژهوت کندینه گلسینلر.
اورادا، من، میللتلر آراسیندا داورلییه اوتوراجاغام. اوراغی گتیرین؛ حاصیل
یئتیشیبدیر. گلیب هدر ائدین؛ چونکو شراب خوملاری دولوب داشیبدیر؛ چونکو سیزین
شرارتینیز بویوکدور. قضاوت یوردونداکی اینسانلار، اینسانلار؛ چونکو قضاوت
یوردوندا، آللاه گونو یاخیندیر.
عیسا مسیح
قاییداندا، لشکرلیلرین سؤزلری ایله اۆز-اۆزه گلیب آغزیندان بیر قمه چیخاجاق کی
اونونلا میللتلری ووراجاقدیر... اؤزو آللاهین خشم خومونو آیاقلار (مکاشفه 15:19).
قوشلار، عیسا
ایله بیرگه ساواشانلارا یئمک وئرمگه ییغیشارلار.
دئیهسن، قیریم
(کشتار)، یالنیز، اورشلیم منطقهسینده اولمایاجاقدیر. مکاشفه 14:20 اشاره ائدر کی
اونلارین قاباغا گئتمهسی 200 مایل دوام ائدر.
آرماگئدون، صۆلح
مقدمهسی
عیسا مسیح (ع)،
سوندا، اینسانلارین نجات وئرهنی اولاراق تانیناجاقدیر. او، شاهلار شاهیدیر.
اینسان، آللاه علیهینه عصیا ائتمهنین بوش-فایداسیز اولدوغونو آنلایاجاقدیر. نبی
«ملاکی»، آللاهین قدرتی بارهده بئله دانیشیب: «چونکو، گون چیخاندان باتانا دک،
منیم آدیم میللتلر آراسیندا عظمتلی اولاجاقدیر».
سوندا، آللاه،
اینسانلارین لاپ بویوک حاکیمی اولاراق تانیناجاقدیر. «بقرنتیان» کیتابیندا اشاره
اولونوبدور کی مینلرجه ایلدیر کی شئیطان – بو عصرین تانریسی (خدای این عصر) –
آللاه، یئری اینسان اوچون، برنامهسینی اونون اوچون اجرا ائتمگه گؤره یاراتسا دا – اؤزونو، آللاهین یئرینه وورموشدو.
پئیغمبرلرین
چوخوسو، دئییبلر کی بو اتفاق باش وئرندن سونرا، یئر اوزونده، اینسان سابقهسیز بیر
صۆلح و تایسز بیر دینجلیکدن لذّتلنهجکدیر. بو صۆلح، مینلر ایل اولدن اینسانا وعده
ائدیلیبدیر.
آرماگئدون،
شئیطان گوجلرینین یوخ اولماسی نیشانهلری اولاراق اینسانین رستگارلیغی اوچون ده
بیر باشلانغیچدیر. بو دا اینسانین پیس داورلییینین سونو ایله بیرگهدیر.
آرماگئدوندادیر
کی حریص و آلدادیجی اینسانلار بللی بیر یئره ییغیشارلار کی مسیح (ع)، اونلارین
اینسانلارا تؤرهتدییی مصیبته سون وئرسین.
آرماگئدون،
قورخو، آغری، یوخلوق و واختسیز اؤلومون سونوندان خبر وئرر. تأسفله، اینسانا،
درسینی اؤیهنمهسی اوچون آیری بیر یول یوخدور. آخیردا، آللاه، اینسانلارین ایشینه
دخالت ائدیب صولحو یئرینه قویمالیدیر.
نبی دانیالین
سؤزلرینه گؤره، حضرت عیسا، بو دونیانین اجتماعی، اقتصادی، سیاسی، تربیتی و مذهبی
دیزگه(سیستم)سی دهییشر آللاه یول- یؤنتمی ایله قورار.
اصلاح گونونون
علامتلری گؤستریر کی مسیح، شئیطانی اسیر ائدیب اینسانا تأثیر ائتمهسینه مانع
اولار.
سون بؤیوک گون،
ائله بیر گوندور کی دوغرو تانرینی تانیمایان بوتون اینسانلار، آللاهی تانیییب
رستگارلیق فرصتی تاپماق اوچون دیریلرلر.
آرماگئدون
دونیانین سونو دئییلدیر. سپاهلیلارین ییغیشدیغی بیر یئردیر. آللاهین، تولانمیش
(آلدانمیش) رهبرلری اؤزوندن یئنیلهجکلری بیر جنگه چاغیریر.
اینسانلارین یوخ
اولماسی دئییل ده، آرماگئدون، بوتون اینسانلار اوچون مین ایل صۆلح و لذّتدیر.
اینسان یاشامینا دوام ائدهجک و آرماگئدون، مسیح (ع) حکومتینی یئرین و بوتون
اینسانلارین حاکیمی اولاراق مژده وئرر؛ یئر، آللاهین پادشاهلیغینا قوووشار.
---------------------------------------------
پينوشتها :
1. Megiddo .
2. Haifa .
3. Esdrealon .
4. Fertile crescent .
5. اسلام منبعلرینده
"سفیانی" دئیه اشاره اونان یازیچینین منظورو اولابیلر (فارسجایا
چئویرن).
6 . بیر نفر طرفیندن رهبرلیک اولونور (يعني شيطان).
7 . (مكاشفات 1311: 17).
8 . مكاشفات 16-13:16.
9 . متّي 22:24.
10 . رساله دوم بقرنتيان 4-4.
11 . مكاشفات 9-12.
12 . رساله اول پطرس 508.
13 . اشعيا 17 و 12:14.
14 . كتاب زكريا 3-1:14.
15 . انجيل متي 22-24.
16 . زكريا 4-1:14.
17 . 10-9 : 3.
18 . اشعيا 9 و 6:13 و 12:2.
19 . زكريا 1:14.
20. Jehoshapat .
21 . يوئيل 14-12:3 ایله مكاشفهلر 19-15:14 قیاس ائدین.
22 .قوشلار اوچاق (هواپیما) اولابیلرلر(فارسجایا
چئویرن).
23 . مكاشفه 16:19 و 14:17.
24 . ملاكي نبي 11:1.
25 . رساله دوم بقرنتيان 44 و 4:11.
26 . تيمورتاوس 2 ، 9:1 ، تيتوس 2:1 ، اشعيا 10-1:11.
27 . مكاشفات 19 ، ذكريا 14، يوييل 3.
28 . دانيال 45-44:2.
29 . مكاشفات 5-4 : 20 ، اشعيا 1-11.
30 . مكاشفات 12-11 : 20.
[یاشام
و دین (دین و زندگی)]