شیخ عبدالکریم حائری دئدي
ايمام خميني‌نين(ره) ميرداما راجع گؤردوغو يوخو
قم عليمه حوزه‌سي‌نين
مؤسيسي‌نين نوه‌سي بير واسطه‌اينن ايمام خميني‌دن(ره) نقل ائله‌دي: «يوخودا مير
دامادي گؤردوم كي يوخو عالمينده منه دئدي منيم كيتابلاريمي درس وئر‌مه!» او سونرا
بو موضوعنون دليلين بيان ائله‌دي.
فارس خبرگوزاريسي: ايمام خميني‌نين(ره) ميرداما راجع
گؤردوغو يوخو
آیت‌الله سیدمصطفی محقق‌داماد
شهيد بهشتي دانيشگاهي‌نين علمي هيئت عضوي، ايمام خميني‌نين(ره) عيرفاني و فلسفي
دوشونجه‌لري ييغينجاغيندا دئدي: اينديه‌جن بو سؤزو هئچ يئرده نقل ائله‌مه‌ميشم آما
آيت‌الله مصطفوي‌نين تأكيدي رحمتليق ميردامادين كيتابلارين اوخوماغا مني بو فيكره
سالدي كي بو نوكته‌ني نقل ائدم.
محقق داماد كي رحمتليق
شیخ عبدالکریم حائری‌نين(قم علميه حوزه‌سي‌نين مؤسّيسي) قيز نوه‌سي ساييلير،
ايدامه وئردي: رحمتليق آیت‌الله مهدی حائری یزدی‌دن (بنده‌نين داييسي) كي ايمامين
خاص‌الخاص شاگيردلريندن‌ايدي، ائشيتميشم كي دئدي: «بير تحصيل ايلي‌نين آخيرينده
ايمام بويوردولار: «تازا ايلين اوّليندن (پاييز) رحمتليق ميردامادين «قبسات»
كيتابين اوخوياروق.» آما تازا ايل باشلادي و اونلار ميردامادين كيتابين
باشلاماديلار و ملاصدرانين كيتابلارين درس وئرديلر. البته هئچ‌واخت شيخين(اشراق)
كيتابلارين درس وئرمه‌ديلر. بو ايشين عيلّتين سوروشدوق آما جواب وئرمه‌ديلر. چوخ
ايصراردان سونرا دئديلر: «يوخودا مير دامادي گؤردوم كي يوخو عالمينده منه دئدي
منيم كيتابلاريمي درس وئر‌مه!» سونرا ايمام ايدامه وئردي: «بو ايشين عيلّتينه
دوشوندوم و نظريمه گلدي كي چون اونلارين سؤزلرين هئچ كس بيلمير، اونو نه تكفير
ائله‌ييبلر و نه تفسير. بونا گؤره شايد ميردامادين كيتابلارين تدريس ائله‌ماق و
اونون سؤزلرين ساده دئماق اونون لعنينه مونجر اولا.»
او ايدامه وئردي: «جاليبدي بيله‌سيز كي قديم زمانلار
ملاصدرانين لعني اوچون ميرزاي قمي‌دن (12-جي قرنين اصولي عاليملريندن) ايستيفتاء
ائله‌ميشديلر!»