ترکی | فارسی | العربیة | English | اردو | Türkçe | Français | Deutsch
پنجشنبه 9 فروردين 1403 - 17 رمضان 1445
 
 
 لینکهای بالای آگهی متحرک سمت راست
 
 لینکهای پایین آگهی متحرک سمت راست
 
 
امروز : 226
ديروز : 227
ماه : 3300
 
تاریخ : دوشنبه 28 آذر 1390     |     کد : 234

ايمام خميني(ره) فيقاهت، سياست و عيرفان جامعي‌ايدي

ايسلامي ناب عيرفانين قاباقدا گئدنلريندن بوكي بير نفر سياست، فيقهت و عيرفانين قولـله‌سينده اولا، ايمام خيميني‌دن(ره) سونرا هيچ كس يوخدور. غيبت كبري زمانيندان اينديه‌جن اونلاردان سونرا بونلارين اوچون بير يئره ييغان يوخيدي.

همشهري آنلاين: ايسلامي ناب عيرفانين قاباقدا گئدنلريندن بوكي بير نفر سياست، فيقهت و عيرفانين قولـله‌سينده اولا، ايمام خيميني‌دن(ره) سونرا هيچ كس يوخدور. غيبت كبري زمانيندان اينديه‌جن اونلاردان سونرا بونلارين اوچون بير يئره ييغان يوخيدي.

«اكنا»نين گوزاريشينه گؤره، حجت‌الاسلام والمسلمین دکتر محمدتقی فعالی، دانيشگاه و حوزه مودرّيسي و معنوي نوظهور جشنلري باره‌ده 9 كيتاب يازاني، اؤلكه دانيشجولارين قورآني فعاليتلر سازمانيندا برگوزار اولان «يالانچي عيرفانلارين پاتولوژيسي» ايجلاسيندا، سوخنراليق ائله‌دي.

فعالي بونو دئماغينان كي قورآن و حديث ايكي ايسلامي ناب عيرفان منبعي‌ديلر، دئدي: ناب ايسلامي عيرفانين اوچونجو منبعي دوعالارديلار. دوعا همان حديثدير كي خاليق و آللاهينان موناجات مضمونوندا گليب، آما موهوم اولدوغو اوچون اوچونجو منبع حسابا گلير. دوعانين عيرفاندا او قدر اثر و اهميتي وار كي دئمك اولار؛ عيرفان يعني ابو حمزه ثمالي دوعاسي، يعني ايمام حسينين(ع) عرفه گونونده‌كي دوعاسي، ايمام سجادين(ع) خمس عشر مناجاتي، كميل و ندبه دوعاسي و بير كلامدا ناب عيرفان يعني «مفاتيح‌الجنان» كيتابي.

او بونا تأكيد ائله‌ماغينان كي اگر دوعا عيرفان اولماسا پس عيرفان نه‌دير، دئدي: عيرفان آللاهينان دانيشماق معناسيندادير كي بو مسأله كاميل و شفاف صورتده دوعالاردا وار. خولاصه صورتده غني عيرفان منبعي اولان ايكي كيتابي آد آپارماق اولار: مفاتیح الجنان و صحیفه سجادیه.

فعالي بونو دئماغينان كي شريف «مفاتیح الجنان» كيتابي «سید بن طاووس»‌ون «اقبال الاعمال» كيتابي‌نين خولاصه‌سيدير، خاطيرلاتدي: «سید بن طاووس» شيعه‌نين عيرفان تاريخينده موناجات و دوعا اوسطوره‌سيدير. ايسلام تاريخي بويوندا سونّي‌لر طرفيندن ايسلامي عيرفان تاريخي باره‌سينده اونلارجا كيتاب يازيليب، آما موتأسيفانه شيعه عيرفاني تاريخي آديندا بير كيتاب يوخدور.

بو موحقيق آرتيردي: قرار اولسا شيعه‌نين عيرفاني يازيلا، حتماً سيد بن طاووس، شيعه‌ عيرفانين پارلاق اولدوزو كيمي او كيتابدا اولاجاق. سيدين 49 كيتابيندان 19 اثري دوعايا مخصوص اولوب. سيدين شاه اثرلريندن بيري «اقبال‌الاعمال» دير كي هر كس عيرفان و دوعا كيتابي يازيب بو كيتابين اساسيندا يازيب.

فعالي بونا ايشاره ائله‌ماغينان كي بيزيم ديني منبعلرين ايچينده، ساليم و تميز عيرفان دفينه‌ كيميدير، دئدي: قرار اولسا بيزيم دينين، عيرفاني گؤزلليكلري تاپيلسين و تازا عيرفانلارينان اؤلچولسون، اوندا گؤره‌جاغيق كي آيا آنتونی رابینز، وین دایر، اسپنسر جانسون، جان گری، تری سی، دیپاک چوبرا، کامفیل و آيريلاري دانيشماغا سؤزلري قالاجاق يا يوخ.

او بونا ايشاره ائله‌ماغينان كي موفقيت و موفقيت روان‌شناسليغي باره‌سينده چوخلو كيتاب يازيليب و ترجومه اولوب، دئدي: «رابينز»دن 30 اثر جيواريندا فارسي‌يه ترجومه اولوب. اونون لاب موهوم اثري «سعادته ساري» 17 جوره چاپ اولوب. کاترین پاندر -بير خانيم كي مسيحيت عيرفاني‌نين ترويج و يايماسينا چاليشير- 7 كيتاب يازيب كي كيتابلاري موختليف عونوانلارينان مثلاً «اورك گؤزونو آچ» و «عشق دولتي» 11 موترجيمين الي‌اينن موختليف آدلارينان چاپ اولوب و اصلينده بير كيتابدير.

بو حوزه و دانيشگاه اوستادي بونا ايشاره ائله‌ماغينان كي عيرفاني اثرلرين لاب موهوم اثرلري «وين داير» كيتابلاريدير، دئدي: وين دايرين كيتابلاريندا 25 اثر فارسي‌يه ترجومه اولوب. ايندي موفقيت روانشناسليغي باره‌سينده بازاردا 1500 كيتاب وار من بو كيتابلارين چوخونو اوخوموشام و اونلارين باخيشي‌اينن تانيشام. اگر بو كيتابلاري علمي و مؤحتوا ارزيشي لحاظيندان ترازي‌نين بير گؤزونه قويالار و ايستيه‌لر نهج‌البلاغه‌نين قيصار سؤزلري‌نين بيري‌‌اينن موقاييسه ائده‌لر، اصلاً قياس اولمالي دئييل، چونكي بو ايكي سؤز بير جينس و مقوله‌دن دئييل‌لر.

او ناب ايسلامي عيرفانين بيرينجي بؤلومونون آراشديماسي توضيحينده دئدي: ديني ناب عيرفانين ايكينجي بخشي، اونون قاباقدا گئدنلريدير كي موتقديملر و موتأخيرلره بؤلونور. شيعه‌ عيرفاني‌نين قاباقدا گئدنلريندن شیخ جعفر شوشتری، میرزه حسین‌قلی همدانی، بهاری همدانی، سید احمد کربلایی، میرزه جوادآقا ملکی تبریزی، آیت‌الله شاه‌آبادی، آیت‌الله سیدعلی‌آقا قاضی طباطبایی، علامه طباطبایی و ايمام‌خمینی(ره)دن آد آپارماق اولار.

فعالي بونا ايشاره ائله‌ماغينان كي ايمام‌خمینی(ره) ميرزه جواد آقا ملكي‌نين يانيندا 5 ايل شاگيرد اولدو، دئدي: میرزه جواد آقا ملکی تبریزی ارزيشلي كيتابلار و اثرلري وار كي اونلاردان ايلين 12 آي موراقيبه‌سي باره‌ده «المراقبات» كيتابي، عاشيقانه عيرفان و موناجاتا بنزر «رساله لقاءالله یا لقائیه» كيتابي و «ناماز اسراري»ني آد آپارماق اولار.

بو حوزه و دانيشگاه اوستادي دئدي: بو اينسانلارين ايچينده، بلكه شيعه تاريخي بويوندا هميشه سياست و عيرفان اهلي اولانلار اولوب او جومله‌دن: آیت‌الله‌العظمی بروجردی، آیت‌الله نائینی، آیت‌الله بهبهانی و آیت‌الله مدرس و هابئله فيقاهت و عيرفان اهلي اولان اينسانلار میرزه حسین‌قلی همدانی و آیت‌الله‌العظمی بهجت كيميلر اولوبلار.

بو موحقيق آرتيردي: ايسلامي ناب عيرفان قاباقدا گئدنلرينده بو كي بير نفر سياستين قولـله‌سينده اولا، يعني بير بؤيوك سياسي حركت يارالديب رهبرليق ائده، فيقاهتين قولـله‌سينده اولا، يعني اؤز زمانيندا اعلم و تام‌الاختيار مرجع اولا و هم عيرفانين يوخاري درجه‌لرينده اولا، ايمام خمينيدن(ره) سونرا تايي و بنزري يوخدور. غيبت كبري‌دن اينديه‌جن فقط اونلارديلار كي بونلارين اوچون بير يئره ييغيبلار.

او بونو دئماغينان كي ايمام خميني‌نين(ره) 6 موهوم عيرفاني كيتابي وار كي اونلاردان بونلاري آد آپارماق اولار: «سحر دوعاسي»، «سرالصلاة»، «شرح جنود عقل و جهل»، «کتاب اربعین» و «مصباح الهدایة الی الخلافة و الولایة»، دئدي:

آیت‌الله‌العظمی جوادی آملی 64-70 ايللرينده راييج اولان عيرفاني متنلرين اساسيندا عيرفان تدريس ائديرديلر. بئله‌كي بير مبحث قورتولاندا اونو شرح وئريرديلر كي بو شرح ايكي كيتاب اساسيندا اولوردو. او كيتابلارين بيري «مصباح الهدایة الی الخلافة و الولایة» ايدي كي اونلار بو كيتابدان چوخ احتيرامينان ياد ائليرديلر.

بو موحقيق ايدامه وئردي: آیت‌الله‌العظمی جوادی آملی بو نئچه ايلده 20 دفعه‌دن چوخ تيكرار ائله‌ديلر كي بو كيتابدا ايمامين(ره) ائله فرازلاري وار كي من درك ائليه‌بيلميرم. جاليب بوراسيدير كي ايمام(ره) بو كيتابي 26 ياشيندا اولاندا يازيب. «مصباح الهدایة الی الخلافة و الولایة» كيتابي،  637هـ.ق. ايلينده وفات ائتميش ايسلامي عيرفانين موهوم شخصيتي و اوسطوره‌سي، محي‌الدين عربي‌نين نظريه‌لرينه رديه يا تعليقه‌لريدير.


نوشته شده در   دوشنبه 28 آذر 1390  توسط   مدیر پرتال    تعداد بازدید  190
PDF چاپ چاپ بازگشت
نظرات شما :
 
Refresh
SecurityCode