ترکی | فارسی | العربیة | English | اردو | Türkçe | Français | Deutsch
جمعه 10 فروردين 1403 - 18 رمضان 1445
 
 
 لینکهای بالای آگهی متحرک سمت راست
 
 لینکهای پایین آگهی متحرک سمت راست
 
 
امروز : 9
ديروز : 242
ماه : 3473
 
تاریخ : سه شنبه 3 آبان 1390     |     کد : 178

دَحْوُ الارض گونو و اونون عيبادت و طاعتلري

ذيقعده‌نين ايگيرمي بئشي دَحْوُ الارض گونودور. يعني بير گوندور كي يئر اوزو كعبه‌نين آلتيندان ياييليب يارانماغا باشلاييب.

ذيقعده‌نين ايگيرمي بئشي دَحْوُ الارض گونودور. يعني بير گوندور كي يئر اوزو كعبه‌نين آلتيندان ياييليب يارانماغا باشلاييب.

يئر اوزونده بيرينجي يارانان يئر، آللاهين كعبه‌سيدي و ائله بونا گؤره مكه شهرينه كي كعبه اوندا واقع اولوب «ام‌القري» دئيرلر. سونرا اونون آلتيندان يئرين آيري قيسمتلري ياييليب فورم تاپدي.

چوخلي ريوايتلرده گليب كي ذيقعده‌نين ايگيرمي بئشينده كعبه بينا اولوب، يئر ياييليب، آدم(ع) هبوط ائله‌ييب، ابراهيم (ع) و عيسي(ع) دونيايا گليبلر و آللاهين رحمتي ياييليب.

آما دَحْوُ الارض گئجه‌سي و گونو بو عيبادتلر سيفاريش اولوب:

1. اميرالمؤنين (ع) بويوروب: بيرينجي رحمت كي گؤيدن يئره نازيل اولوب، ذيقعده‌نين ايگيرمي بئشينده‌ايدي. هر كس بو گونو اوروج توتا و گئجه‌سين عيبادت ائليه، يوز ايل گئجه‌لر عيبادت ائله‌ماق و گوندوزلر اوروج توتماق ثوابيني آپاراجاق. بو گونده عيبادته ييغيشانلار داغيلمايينجا ايستكلري يئرينه يئتيريله‌جاق. بو گونده بير ميليون رحمت نازيل اولار كي يوزه دوقسان دوققوزو گوندوز اوروج‌توتانلار و گئجه‌سي‌نين ذاكيرلري اوچوندور.

2. ايمام رضا (ع) بير حديثده بويوردولار: و في خمسه و عشرين من ذي القعدﺓ وضع الله البيت، و هو اوّل رحمه وضعت علي وجه الأرض فجعله الله عزّوجلّ مثابه للنّاس و أمناً.

يعني: آللاه تعالي ذيقعده‌نين ايگيرمي بئشينده كعبه‌ني بينا ائله‌دي و او يئر اوزونده آللاهين بيرينجي رحمتي‌ايدي. بئله‌ليغينان سوبحان آللاه، اونو، ييغيلماق يئري و جماعت اوچون امن يئر قرار وئردي.

3. حسن بن وشاء دئيير: من اوشاقليقدا آتامينان بيرليقدا شنبه ذيقعده‌نين ايگيرمي بئشي ايمام رضا (ع) محضرينه يئتيشدوق و او حضرت بيزه بويوردو: ذيقعده‌نين ايگيرمي بئشينجي گئجه‌سي بير گئجه‌دير كي او گئجه‌ده حضرت ابراهيم(ع) و حضرت عيسي(ع) دونيايا گليبلر و يئر كعبه‌نين آلتيندان باشلاييب ياييليب. هر كس او گون اوروج توتا ائله‌بيل كي آلتميش آي اوروج توتوب.

4. عبدالله بن مسعود پيغمبردن ريوايت ائلير كي او حضرت بويوردو: و انزل الله الرّحمه لخمس ليال بقين من ذي القعده، فمن صام ذلك اليوم كان له كصوم سبعين سنه.

يعني: آللاه تعالي اؤز واسيعه رحمتين ذيقعده‌نين آخيرينه بئش گون قالميش، نازيل ائله‌دي. پس هر كس او گون اوروج توتا، اونون اجري او آدامين اجريدير كي يئتميش ايل اوروج توتا.

5. گون‌اورتادان قاباق ايكي ركعت ناماز قيلماق، كي هر ركعتده بير دفعه حمد سوره‌سي و سونرا بئش دفعه والشمس سوره‌سي (91-نجي سوره) و بئش دفعه والضحي سوره‌سي (93-نجي سوره) اوخونا. و نامازين سلاميندان سونرا بئله‌ دئيه : لا حول و لا قوﺓ الاّ بالله العلي العظيم.

سونرا بو دوعاني اوخويا: يا مقيل العثرات، اَقِلني عَثرتي، يا مجيب الدّعوات، اَجِب دَعوَتي …

6. بو دوعاني اوخوماق: أللهم داحِيَ الكعبه و فالِقِ الحبّه و صارف اللزبه …

هر حالدا بو بؤيوك گئجه، بير فورصتدير اونلارا كي ايستيرلر اؤز شوكر و طاعتلري‌اينن، آللاهين قوربت و ريضايتين جلب ائله‌سينلر و اؤز رابيطه‌لريني معنا عالمي‌اينن مؤحكملنديرسين‌لر.

7. بو گون ثامن‌الحجج زيارتيني اوخوماق چوخ ثوابي وار.


نوشته شده در   سه شنبه 3 آبان 1390  توسط   مدیر پرتال    تعداد بازدید  95
PDF چاپ چاپ بازگشت
نظرات شما :
 
Refresh
SecurityCode