«احد»
داغي‌نين اتگينده كؤهوله بنزر بير ياريق وار. بو ياريغين اوچ متر اوجاليغي، بير
متر اَني و اوزانميش بير اينسان‌جن بويو وار.
«احد بيزي سئون داغدير و بيز اونو
سئويريك.»
پيغمبر اكرمين (ص) تكجه بو سؤز
كيفايتدير كي اوزاقدان بو قهوه‌اي و قيزيل رنگلي داغا باخاندا غريب بير سس سني
اؤزونه طرف چاغيرا.
«خبر آنلاين»-ين
گوزاريشينه گؤره، اُحد آلتي مين متر اوزونلوغوندا بؤيوك و كيچيك داغلاردان عيبارت
اولان بير سئري داغلاردير كي مدينه‌نين شوماليندادير.
اُحد مدينه‌نين شوماليندا
تقريباً آلتي مين متر اوزونلوغوندا شرقدن غربه اوزانيب كي آيري داغلاردان
آيريلديغي اوچون اُحد داغي آدلانير.
«احد» داغين اتگينده كؤهوله بنزر
بير ياريق وار. بو ياريغين اوچ متر اوجاليغي، بير متر اَني و اوزانميش بير اينسان‌جن
بويو وار.
ائله‌كي بير نفر راحاتليغينان
اوندا يئرله‌شه بيلر يا بئش نفر اوردا اوتورا بيلر. بو ياريق تقريباً يئردن اون
بئش متر اوجاليقدادير.
احد جنگينده پيغمبر اكرم
(ص) يارالانديلار. بو يارا اوقدر چتين‌ايدي كي كولاه‌خودون حلقه‌لري پيغمبرين
ياناقلارينا باتميشدي. ابو عبيده بن جراح حلقه‌لري رسول اكريمين (ص) اوزوندن
چيخارداندا او حضرتين ديشلري‌نين ايكيسي سيندي. حضرت علي (ع) اؤزو يارالي
اولا-اولا پيغمبردن ديفاع ائله‌دي و او حضرتي بو ياريقدا گيزلتدي.
داغين ياريغينا گيرنده «مسجد‌النبي»ني
گؤرورسن و نفس-نفسه توشورسن. موسلماً بوردا ايكي معصوم نفس چكيبلر. حضرت محمد ابن
عبدالله(ص) و حضرت علی (ع).