عالملر یئردن بؤیوک و اونلاردا حیات احتمالی اولان ایکی سیاره تاپدیلار. بو سیاره‌لر، گونشدن 12 ایشیق ایل اوزاقلیغیندا یئر آلان اولدوزون اطرافینا دولانیرلار.
اسپیسین وئردیغی خبره گؤره، عالملرین تاپدیغی بو ایکی حیات احتمالی اولان سیاره، tau Ceti اولدوزونون اطرافیندا دولانیرلار.
بو اولدوز گونشدن 12 ایشیق ایلی فاصله‌ده‌دیر. آیری سؤزله غیر مسلح گؤزونن گؤرونه بیلن اندازه یاخیندیلار.
بو ایکی سیاره یئردن بؤیوکدولر و اولدوز مداری‌نین حیاتی ساپورت ائله‌دیغی منطقه‌ده یئرلشیبلر. بونا گؤره عالملره گؤره بو ایکی سیاره‌نین اوستونده سو دا اولا بیلر.
اولدوز مداری‌نین بو منطقه‌سی Goldilocks zone آدلانیر. یعنی نه ائله سویوق و نه ائله ایستی منطقه‌دیر. بونا گؤره، بو سیاره‌لرده سطحی سولار و احتمالاً حیات اولا بیلر.
بو تازا کشف، tau Ceti اولدوزو باره‌ده تازا تحقیقلردن اله گلیب. عالملر قاباقکی مرحله‌لرده بو اولدوزون اطرافیندا 5 سیاره‌نین اولدوغوندان خبر بیلمیشدیلر.