مبارک رمضان آیی‌نین 15-جی گونو مصادفدیر هجرتین اوچونجو ایلی امام حسنین (ع) ولادت گونو اینن.
امام حسن (ع) دونیایا گلنده پیغمبر سفرده ایدیلر. حضرت سفردن قاییدان کیمی همیشه‌یه تای قیزی خانیم فاطمه زهرانین (س) ائوینه گئتدی. او حضرته نوه‌سی‌نین ولادتینی خبر وئرنده شادلیق او حضرتین وجودونو بورودو.
امام حسنین (ع) آد قویماسی
اوشاغی حضرتین محضرینه گتیرنده او حضرت علی‌دن (ع) سوروشدو: «اوشاغا آد قویوبسوز؟» حضرت علی عرض ائله‌دی: «من آد قویمادا سیزی قاباقلامارام». رسول الله‌دا (ص) بویوردو: «من‌ده آد قویمادا الله تعالانی قاباقلامارام». بو اثناءدا جبرئیل نازل اولدو و بویوردو: «الله سنه امر ائلیر هارونون اوغلو «شبّر» آدینی اونا قویاسان». پیغمبر بویوردو: «منیم دیلیم عربدیر» جبرائیل عرض ائله‌دی: «شبّرین عربیسی «حسن» آدینی اونا قوی».
امام حسن مجتبی‌نین (ع) لقبلری و کنیه‌سی
او حضرتین کنیه‌سی «ابومحمد» ایدی. بزرگوار جدّی او حضرتی «ابومحمد» خطاب ائلردی و اونون اوچون آیری کنیه ذکر اولماییب.
او حضرتین بیر سئری لقبلری بونلاردان عبارتدیر:
زکیّ، مجتبی، سیّد، تقی، نقی، طیّب، ولی و برّ و بو لقبلرین لاپ مشهورو مجتبی و تقی و سیّد ایدیلر.
امام حسن مجتبی‌نین (ع) نظرینده کمال و عظمته چاتماغین شرطلری
بیر نفر امام حسن مجتبی‌دن (ع) سوروشور کی عظمت و کمالا چاتماغین شرطی نه‌دیر؟ حضرت جوابدا بویورور: «عظمت و بؤیوکلوق بودور کی یوخسوللوق زمانی باغیشلایاسان و گوناه و خطایا گؤز یوماسان».