مهرین تبریزدن وئردیغی خبره گؤره، دکتر روحانی چهارشنبه گونو تبریزده خبرنگارلار جمعینده دئدی: شرقی آذربایجانین سئل زده منطقه‌لریندن گؤروش و ستاد بحران جلسه‌سینده حاضر اولماق اوچون تبریزه گلمیشم.
او آز سابقه‌لی یاغیشلارین ایلاهی رحمت اولماسیندان علاوه جماعته بیر سئری مشکل‌لر یاراتماسینا اشاره ائله‌ماغینان آرتیردی: بو منطقه‌لردن گؤروش ائله‌ماق واجب ایدی.
او آرتیردی: دولتین بوتون امکانلاریندان سئل زده‌لرین مشکل‌لرینی رفع ائله‌ماقدا استفاده ائله‌ماغا قول وئریرم.
رئیس جمهور بو گون لازم اولان تحقیقلرین اولماسی و لازم دستورلارین وئریلمه‌سینه تأکید ائله‌ییب آرتیردی: بو اقداملارین خیر و برکته منجر اولوب سئل زده‌لرین مشکل‌لرینی آزالدیلماسینا سبب اولماسینا اومیدیمیز وار. البته بو آجی حادثه‌نین اول ساعتلریندن شرقی آذربایجانین اوستنداری اینن تلفن اینن دانیشدیم و نیرو وزیری بنده‌نین نماینده‌سی کیمی سئل زده منطقه‌ده حاضریدی.
او دولتین سئل زده‌لره تسهیلات وئرماق نظرده آلدیغینا اشاره ائله‌ماغینان دئدی: دؤرد شرقی آذربایجان ، اردبیل، غربی آذربایجان و کردستان اوستانلارینا تخصیص تاپمیشلار خزانه‌یه اعلام اولوب.