امام هادی (ع) اونون و کؤمکلری اوستونده اولان حکومت طرفیندن فشارلار و مراقبتلره رغماً اؤز حرکتینی ایکی امّتی آگاه ائتمک و شیعه‌لردن دفاع ائتمگی باشلادی.
امام هادی مراقبت آلتیندا
متوکل‌ین هدفی امامی سامره‌یه چاغیرماقدان او حضرتین بوتون ایشلری‌نین گؤز قاباغیندا اولماسی و او حضرتی دربار حاشیه‌سینده کؤلگه‌ده قویماق ایدی.
امام ظاهرده اؤزونو عباسی خلافتی اینن مفاوق گؤرسدیردی و اونلار چاغیران قوناقلیقلارا گئدیب مراسملرینده شکرت ائلیردی. (غیبت تاریخی، ص ۱۴۲.)
حکومتین سیاستی گوندن گونه او حضرتین علیهینه توندلشیردی. حتی متوکل خلافتی‌نین آخرلرینده او حضرتی سیاعتلر و چوغول‌لوقلار نتیجه‌سینده زنداندا حبس ائله‌دی. بو چوغو‌لوقلار متوکلی آییق ائلیردی و او حضرتین علیهینه اولان مراقبتین آرتیریلماسینا سبب اولوردو.
امام (ع) بو خفقان ایچینده ایشلرین دوز گئتمه‌سینه چالیشیردی. او حضرتین جریانی ایکی جبهه‌ده قاباغا آپاریردی.
الف: امّتی آگاهلاندیرماق و اؤز علمی موضعلرینی نشان وئرماق. متوکل او حضرتی سیندیرماق اوچون مختلف عالملریدن او حضرتدن چتین سؤال‌لار سوروشماسینی ایستیردی و حضرت، اونلارا چوخ گوجلو و منطقلی جوابلار وئرماغینان شیعه دونیاسینا اعتبار قازاندیریردی.
بو باره‌ده یحیی بن اکثم متوکله بئله دئییر: «منیم بو کیشیدن سوروشدوقلاریمدان سونرا ایسته‌میرم آیری سوال اوندان سوروشولسون، نییه کی اونون عالم اولدوغو آشکارلانسا رافضیلر گوجلنرلر. (مناقب، ج ۳، ص ۵۰۷.)
ب: شیعه‌لردن موغایات اولماق و اونلارین احتیاجلارینی یئرینه یئتیرماق
امام شیعه‌لرین گوجلنمه‌سی و فعالیت ائده بیلمکلری اوچون الیندن گلنی ائلیردی.
تاریخده بئله گلیب: امام هادی (ع) اوچون گیزلی و آشکار یوللارینان چوخلو پول خمس، زکات و خراج عنوانیندا گلیردی و او حضرت اونلاری اسلامین منفعتلری یولوندا خرجله‌ییردی کی حرکت دایانماسین. البته بو حرکتلر عباسیلرین گؤزوندن کناردا اولوردو». (مناقب، ج ۳، ص ۵۱۲.)
ج: وکالت آدیندا ایشلک سازمانین تأسیسی
شیعه اماملاری‌نین آخر دؤرلری اختناقینان کئچسه‌ده بو زمانلاردا شیعه‌لر اسلامی اؤلکه‌لرده یاییلدی و امام هادی (ع) و عرق، یمن، مصر و آیری منطقه‌لر شیعه‌لری آراسیندا ارتباط واریدی. وکالت سیستمی بو ارتباطی گوجلندیریب تضمین ائلیردی. وکیل‌لر وجوهاتی اماما گؤندرماقدان علاوه جماعتین کلامی و فقهی مشکل‌لرینی رفع ائله‌ماقدا کؤمک ائلیردیلر.
جاسم حسینین دئدیغینا اساساً تاریخی روایتلره گؤره شیعه‌لرین وکیل‌لری دؤرد دسته بؤلونوردو:
بغداد، مدائن، سواد و کوفه بصره و اهواز قم و همدان حجاز،
یمن و مصر (جاسم حسین، اون ایکینجی امامین غیبت تاریخی. ص۱۳۷)
امامین وکیل‌لری مکتوب و مطمئن نفرلرین واسطه‌سی اینن امامینان ارتباطدا اولوردولار.