علي (ع)-ين حاكيميت زمانيندا غدير بايرامي جومعه گونو
اينن موصاديف اولدو. چوخلو جمعيّت حاضير اولدولار و او حضرت جومعه نامازين قيلماغا
و اونون خوطبه لريني اوخوماغا جماعاتين قاباغيندا دوردو.
حسين بن علي (ع) بويورور: گوندن بئش ساعت سووشموشدور كي
آتام خوطبه لري باشلادي. او اوّلده آللاهي حمد و ثينا ائله دي، آللاهين رباني
صيفتلرين سايدي، موطلق حاكيميتي اونون كي بيلدي، وئرديگي نعمتلره شوكر ائديب
جماعاتا بويوردو: آللاه تعالا بويون ايكي بؤيوك بايرامي (جومعه و غدير) سيزين
اوچون بير زماندا قرار وئردي؛ ايكي بايرام كي هر بيري آيري وجودي فلسفه سيني
تكامول وئرير و هر بيري نين واسطه سي نن هدايت اوبيريسينده اثر باغيشلير . .
.سونرا بويوردو: آللاهين پئيغمبري حضرت محمد (ص)-ين نوبوّتينه اعتيراف ائله‌مه‌ميش
آللاهين بيرليگينه ايمان گتيرماق قبول اولماز و حضرت محمد (ص)-ين دين و شريعتي
قبول اولماز مگر بوكي آللاه، ويلاتي‌نين فرمانيني وئرديگي شخصين ويلايت امري قبول
اولا.
غدير مولي الموحدين علي (ع) باخيشيندان
سونرا بويوردو: غدير گونو(1) آللاه اؤز سئچديقلاري باره
سينده ايراده ائله ديغيني پئيغمبرينه گؤندردي ، اونا فرمان وئردي كي تا ولايت و
وصايتي ايبلاغ ائده و دوشمنلرين گزنديندن نيگران اولماييب مجال و فورصتي كافيرلردن
و مونافيقلردن آلا. قدير گونونون چوخ قدر و منزيلتي وار ، او گون ايلاهي گوشاييشلر
چاتيب و حوجّتي هامي‌يا تمام اولوب. بويون آيدينلاتماق و اوجا و ايشيق يئردن عقيده
ايظهار ائله‌ماق گونودور. بويون دينين كاميللشمه‌سي و پئيمانا وفا ائله‌ماق
گونودور. غدير [رسول الله (ص)-ين] گونو (2) و مشهود [علي ابن ابي طالب (ع)]
گونودور. كوفر و نيفاق پرده سي آلتيندا اولان پئيمانلارين داغيلماسيدير ، ايسلامين
اصلي حقيقتلري نين آيدينلاشما گونودور ، شئيطانين ذليل و خوار اولان گونودور ،
ايستيدلال و بورهان گونودور ، اونو تكذيب ائدنلرين صفلري‌نين آيريلما گونودور.
بويون لاب بؤيوك گوندور كي سيزين بير عيده‌ز اوندان اعراض ائله ديز ، آللاه بنده
لري نين هيدايت و ايمتاحان گونودور ، اوركلرده گيزله نن كينه لرين آشكار اولان
گونودور ، بويون مؤمون و ديلباخته [اهل الخصوص] كسلره، نصوص [پئيغمبرين ايبهامسيز
سؤزلري] عرضه اولان گوندور ، غدير شئيث پئيغمرين گونودور ، ادريس ، يوشع و شمعون و . . . .
غدير بايراميندا علوي منشوري
اميرالمؤمنين (ع) خوطبه نين آخيرنده بويوردو: ائي
موسلمانلار آللاهين رحمتي سيزه شاميل اولسون ، بو بؤيوك ايجتيماعدان قاييداندان
سونرا بويونو [غديري] بايرام توتون: [و آشاغيداكي ايشلري گؤرمگينن بو گونو عزيز
سايين]
الف: خانيواده و فاميللريزه نعمتي گوستريش وئرين و
ياخشيليق و احساني اؤزوزه پيشه ائله يين. (3)
ب) اؤز ديني قارداشلاريزا گوجوز چاتان قدر ياخشيليق و
احسان ائله يين. (4) و
ج) آللاه سيزه وئرديگي نعمتلر اوچون شوكر ائله يين. (5)
د) بير – بيريزين كنارينا ييغيشين تا آللاه سيزين
ايجتيماعزي فراگير ائله سين.
ه) بير – بيريزه ياخشيليق ائله يين تا آللاه سيزه آرتيق
اولفت و مهريبانليق عطا ائله سين.
و) آللاهين نعمتلريني بير – بيريزه تبريك دئيين نئجه كي
[بو گونده] آللاه آيري بايراملاردان آرتيق اجر و ثواب وئرماغينان سيزه تهنيت
دئيير. سونرا بويوردو: بويون (غدير) آيريلارينا مالي كؤمك ائله ماق سيزين امواليزا
بركت وئرر و عؤمروزو آرتيرار. آيريلارينا مهريبانليق، حقّين رحمت و عنايتينه باعيث
اولاجاق.
ز) سئوينجاق ليغينان و گولر اوزونن بير – بيريزي
قوجاقلايين.
ح) اؤز توفيقاتيز اوچون آللاها شوكر ائله يين.
ط) سيزدن كؤمكليق اينتيظاري اولان يوخسول و
ضعيفلردن گؤروش ائله يين، زيارتلرينه گئديب اونلارين غذالاريندا شريك اولون. سونرا
حضرت بويوردو: غدير بايرامي گونو بير ديرهم يوخسوللارا كؤمك ائله ماق ايكي يوز
ديرهم اينن برابردير، بلكه داها چوخدور.
ي) بير –
بيريزينن مولاقات ائدنده موصافيحه ائدين و بير – بيريزه سلام و تبريك دئيين، كي
آللاه رسولي(ص) منه بئله بويوردو. (6)
-------------------------------------------
نوتلار:
1. ريوايتده غدير گونوندن «يوم الدوح» عيبارتي نن تعبير
اولوب كي بو كلمه هم ريوايتلرده و هم شعرلرده ايشله نيب. (بحارالانوار، ج 94، ص
115).
2 و 3. شاهد و مشهود تفسيرلرين آشاغيداكي موريدلردن
تاپماق اولار:
اصول کافى، ج 1، ص 425، ح 69؛ بحارالانوار، ج 35، ص 386،
ح 1؛ ج 36، ص 114، ح .61
4 و 5. ترجومه ده عيبارتلر تلفيق اولوبلار.
6. بحارالانوار، ج 95، ص 118 ـ 112، ح 8، اميرالمؤمنين
(ع) –ين خوطبه سي نين بير ميقداري ايمام حسين (ع) –دان نقل اولموش.