ترکی | فارسی | العربیة | English | اردو | Türkçe | Français | Deutsch
پنجشنبه 9 فروردين 1403 - 17 رمضان 1445
 
 
 لینکهای بالای آگهی متحرک سمت راست
 
 لینکهای پایین آگهی متحرک سمت راست
 
 
امروز : 132
ديروز : 227
ماه : 3300
 
تاریخ : شنبه 30 ارديبهشت 1391     |     کد : 295

جماعتين حركتي نئچه نفرين يورولماغي‌اينن اينحيرافا چكيلمز

اينقيلابين موعظم رهبري ايثارگرلرين جمعينده: بعضيلرين يورولماسي و بئحوصله اولماسي‌اينن جماعتين حركتي تزلزول و اينحيرافا چكيلمز.


اينقيلابين موعظم رهبري ايثارگرلرين جمعينده: بعضيلرين يورولماسي و بئحوصله اولماسي‌اينن جماعتين حركتي تزلزول و اينحيرافا چكيلمز.

ايسلامي اينقيلابينان باشلايان بو يولون ايدامه‌سي اولاجاق و سيز گؤردوز كي جماعتين عمومي حركتينده، بير عيدّه مسئوليت يوكون يئره قويدولار آما روحيه‌لي جوانلار اونو گؤتوردولر و اينشاءالله مقصده چاتديراجاقلار.

فارس خبرگوزاريسي‌نين، موعظم رهبري مقامين ايطيلاع‌رساني سايتيندان نقل ائله‌ديغي گوزاريشه گؤره، ايسلامي اينقيلابين موعظم رهبري حضرت آيت‌الله خامنه‌اي، ايثارگرلرين بير عيدّه‌سي‌اينن گؤروشنده، موقدس ديفاع ايللريني گؤزل و ظريف تابلويا بنزتدي و خاطيرله‌دي: ايسلامي اينقيلابينان باشلانان يولون ايدامه‌سي اولاجاق و موقدس ديفاع گونلري‌نين گؤزلييقلارين موخاطبه ياخيندان توصيف ائله‌ماق اوچون، گرك هونر معيارلاريندا مينلرجه كيتاب يازيلسين تا رزمنده‌لرين فداكارليقلاري جماعته تشريح اولسون.

ايسلامي اينقيلابين رهبري، تحميلي ساواش ايللرينده رزمنده‌لرين ايشلرين باشاريقلي، ارزيشلي، چوخ بؤيوك و حئيران ائديجي بيليب و آرتيرديلار: سيز كي موقدس ديفاع ايللرينده موهوم و حساس مسئوليّتلريز واريدي بيلين كي جهاد اصغردن سونرا جهاد اكبر نوبه‌سي چاتيب كي داها چتين و موشكولدور.

اونلار جهاد اصغر و جهاد اکبرين خصوصيتلرين تشريح ائديب آيدينلاتديلار: اؤلكه‌نين بويونكي فضاسيندا، ارزيشلره و اصولا ايصرار ائله‌سز و موختليف سياسي، ايجتيماعي، ايقتيصادي و فرهنگي ميدانلاردا تقواني نظرده آلساز، داها يوخاري ارزيش و اهميّتي وار.

حضرت آیت الله خامنه‌ای بو زمينه‌ده آرتيرديلار، بويون ايكي دوشمن، بيري خبيث ايستيكبار و او بيري ايچريده كي نفس‌اينن اوز به ‌اوزوق كي اگر بيري تقواني نظرده آليب قدم گؤتوروب تصميم توتسا، معنوي اوجالماق و مادّي پيشرفت زمينه‌سي فراهم اولار.

ايسلامي اينقيلاب رهبري سلوك الي اللّهي گوناهدان اوزاق اولماغا لازيم بيليب خاطيرله‌دي: گوناه ائله‌مه‌ماغينان يولون ياريسي گئديلميش اولور، البته سياسي، ايجرايي، موديريّتي، تبليغي و مذهبي مسئوليّتلري اولانلارين گوناهي‌نين وسعتي داها چوخ اولور.

حضرت آیت الله خامنه‌ای بونا ايشاره ائله‌ماغينان كي مسئول‌لارين دوز حركتي اونون جامعه‌يه سيرايت اولماسينا باعيث اولاجاق آيدينلاتدي: بيز دايانماق و دوز حركت‌اينن جاميعه‌ني‌ده تشويق ائديريك و البته بيليريك كي بعضيلرين يورولماسي و بئحوصله اولماسي‌اينن جماعتين حركتي تزلزول و اينحيرافا چكيلمز.

ايسلامي اينقيلاب رهبري سؤزلري‌نين آخيرينده آرتيرديلار: ايسلامي اينقيلابينان باشلايان بو يولون ايدامه‌سي اولاجاق و سيز گؤردوز كي جماعتين عمومي حركتينده، بير عيدّه مسئوليت يوكون يئره قويدولار آما روحيه‌لي جوانلار اونو گؤتوردولر و اينشاءالله مقصده چاتديراجاقلار.


نوشته شده در   شنبه 30 ارديبهشت 1391  توسط   مدیر پرتال    تعداد بازدید  454
PDF چاپ چاپ بازگشت
نظرات شما :
 
Refresh
SecurityCode